Германы шигшээ багийн ахлагч Баллакыг ДАШТ эхлэхээс сарын өмнө бэртээж бөөн шүүмжлэлд өртөж байсан Ганын Кевин Принс Боатенг буурь сэлгэлээ.

Италийн алдарт АС Милан клуб түүнийг өөрийн болгож байгаа бөгөөд тоглогч одоо шинэ багийнхантайгаа нэгдээд байгаа юм байна. Харин хэдий хэрийн үнээр хийгдсэн гэдгийг хоёр багийнхан нууцалж байгаа аж. Тэрээр өнөөдөр албан ёсоор багийнхантайгаа бэлтгэл хийсэн гэнэ.

Боатенгийн Милан дахь анхны тоглолт ням гаригт Берлуксонигийн цомд Юветэй хийх тоглолтонд таарч магадгүй байна. Өдгөө 23  настай Ганын шигшээ багийн төвийн хагас хамгаалагч тэрээр Германы Герта багийн академиар хүмүүжиж үндсэн багт багтсан. Улмаар 2007 онд буурь сэлгэж Тоттенхэм клубт ирсэн юм.

Лондоны багт Кевин амжилттай тоглож чадаагүй учраас 4 сая фунтээр түрүү зун Портсмутад ирсэн юм. Гэвч өнгөрсөн 5 сард явагдсан ФА Цомын финалд түүний карьерт хар дурсамж болон үлдсэн билээ.
2010 оны ДАШТ-д Кевин өөрийн дүү Жером Боатенгтэй ногоон талбайд тулсан. Герман – Ганын тоглолтонд энэ үйл явдал тохиолдсон бөгөөд ахынх нь баг буюу Германчууд тэр тулаанд ялсан билээ. Дараа нь  Кевин АНУ-г 2 : 1-ээр ялахад эхний гоолыг оруулсан юм.