Аваргуудын лигийн урьдчилсан шатны сүүлийн роундийн тоглолтууд өнгөрсөн шөнө эхэллээ. Энэ шатыг давж чадвал 2010-2011 оны улиралд Аваргуудын лигт өрсөлдөх эрхтэй тул багууд бүх хүчээ дайчлн тоглож буй нь тодорхой.

Тоттенхэм Хотспур баг Швейцарийн Янг Бойзтой эхний тоглолтоо Бернд хийж, золтой л зүйл дууссангүй. Тоглолтын эхлэл Тоттенхэмийн хувьд хар дарсан зүүд мэт байж, эхний 28 минутанд талбайн эзэд 3 гоол хийж чадсан байна.

Гэхдээ Тоттенхэм 42 дахь минутанд Бассонгийн гоолоор тоог 3:1 болгосон ба 83 дахь минутанд Роман Павлюченко багийнхаа 2 дахь гоолыг хийж анх төлөвлөснөөс тааруу ч тоглолтын эхлэлтэй харьцуулахад хожил шиг үр дүнтэйгээр нутаг буцлаа.

Ер нь Янг Бойз бол басаж болохгүй баг гэдгээ өмнөх шатанд харуулж, Туркийн Фенербахчег хожсон юм.

Тоттенхэм өнгөрсөн улирлын ПЛ-ийн ширүүн өрсөлдөөн дундаас 4-р байранд орчихоод Аваргуудын лигийн урьдчилсан шатыг давахгүй бол хамгийн харамсалтай хэрэг биз.

Хариу тоглолт 7 хоногийн дараа Уайт Харт Лэйн цэнгэлдэхэд болно.

Украйны Динамо Киев талбай дээрээ Аяксийг хүлээн авч тоглоод 1:1-ээр хайнцав. 56 дахь минутанд Динамогийн тоглогч Гармаш улаан хуудас авч тоглолтоос хөөгдөж, улмаар Аякс сет-писээс гоолдсоноор ихээхэн давуу байдалтай болсон. Гэхдээ 9 минутын дараа О.Гусев тэнцээний гоол хийж дөнгөжээ.

Оросын лигийн лидер Зенит талбай дээрээ Францын Осерийг хүлээн авч тоглож, Александр Кержаковийн 3 дахь минутанд хийсэн гоолын ачаар 1:0-ээр хожлоо.

Русенборгчууд Копенгагенийг 2:1-ээр хожсон бол Словакийн Жилина түүхэндээ анх удаа Аваргуудын лигийн хэсгийн шатанд шалгарах боломжтой болоод байна. Тэд Спарта Прагийг 2:0-ээр хожжээ.

Өнөө шөнө мөн 5 тоглолт болох бөгөөд Германий Вердер Италийн Сампдориатай, Испаний Севилья Португалийн Брагатай сонирхолтой тоглолтууд хийнэ.

Динамо К (Украин) — Аякс (Нидерланды) 1:1

Гоол: Гусев, 66 – Вертонген, 57
Динамо К: Коваль, Бетао, Вукоевич, Попов, Шевченко (Эль-Каддури, 77), Ярмоленко (Андре, 70), Михалик, Гармаш, Гусев (Силва, 82), Еременко, Алмейда
Аякс: Стекеленбург, ван дер Вил, Вертонген, Анита (Сулеймани, 61), Эно (Эриксен, 69), Эль-Хамдауи, де Йонг, Эмануэльсон, Суарес, де Зеув, Пресас
Шар хуудас: Гармаш, 30; Вукоевич, 60 – Анита, 42
Улаан хуудас:Гармаш, 56

Зенит (ОХУ) — Осер (Франц) 1:0

Гоол: Кержаков, 3
Зенит: Малафеев, Анюков, Бруну Алвеш, Ломбертс, Губочан, Данни, Широков, Семак (Зырянов, 89), Денисов, Лазович (Хусти, 60), Кержаков (Бухаров, 78)
Осер: Сорен, Ангбар, Грихтинг, Кулибали, Ле Таллек, Бирса (Конту, 70), Миньо, Олиеч (Керсия, 89), Педретти, Елень, Ндинга
Шар хуудас: Данни, 33 – Миньо, 36; Ле Таллек, 82; Конту, 87

Янг Бойз (Швейцарь) — Тоттенхэм (Англи) 3:2

Гоол: Лулич, 4; Бьенвеню, 13; Хохштрассер, 28 – Бассонг, 42; Павлюченко, 83
Янг Бойз: Вольфли, Саттер, Костанцо (Шнойвли, 65), Дубаи, Бьенвенью, Шпихер, Лулич, Аффольтер, Дежен (Раймонди, 90), Хохштрассер, Джемаль
Тоттенхэм: Гомес, Бейл, Паласиос, Модрич (Кранчар, 46), Джовани, Дефо (Кин, 66), Бассонг, Доусон, Чорлука, Ассу-Экотто (Хаддлстоун, 36), Павлюченко
Шар хуудас: Бьенвеню, 72 – Ассу-Экотто, 4; Бассонг, 68

Спарта (Чех) — Жилина (Словак) 0:2

Гоол: Сисей, 51; Оравец, 73
Спарта: Блажек, Ржепка, Памич, Хоэнедер, Лачны (Тршешняк, 68), Квеуке, Жофчак (Земан, 77), Адиаба, Куцка, Брабец, Вахоушек (Еслинек, 90)
Жилина: Дубравка, Печалка, Гулдан, Мраз, Рилке (Зошак, 79), Майтан (Полячек, 87), Йеж, Оравец, Пьячек, Сисей (Шоурек, 90), Белло
Шар хуудас: Брабец, 39; Ржепка, 66; Вахоушек, 78 – Сисей, 36; Белло, 68; Майтан, 81

Русенборг (Норвеги) — Копенгаген (Дани) 2:1

Гоол: Иверсен, 23; Хенриксен, 57 – Гронкьяр, 84
Русенборг: Эрлунг, Лустиг, Дорсин, Аннан, Ольсен (Бакенга, 65), Демидов, Стадсгор, Иверсен (Винснес, 85), Шелбред, Хенриксен, Прица
Копенгаген: Виланд, Поспех, Клаудемир, Квист, Гронкьяр, Ндой, Антонссон, Кристенсен (Неррегор, 67), Вендт, Вингор (Бергвольд, 67), Йоргенсен
Шар хуудас: Ольсен, 48; Аннан, 72 – Вингор, 6; Квист, 43