Сери А лигийн шинэ улирал бүрийн өмнө ”Луйжи Берлусиконигийн цом” нөхөрсөг тэмцээн зохион байгуулагддаг. АС Миланы эзэн Силвио Берлусони энэ тэмцээнийг эцгийнхээ дурсгалд зориулж зохион байгуулдаг бөгөөд анх Аваргуудын лигт түрүүлсэн баг АС Милантай өрсөлддөг байсан гэдэг.1991 онд энэ тэмцээн анх удаа зохион байгуулагдахад Милан Ювентустэй тоглож байсан. Учир нь өмнөх жил нь Юве Европын цомд түрүүлээд байсан юм. Түүнээс хойш ердөө гурван жил л Милан аваргуудын лигийн ялагч багтай тоглосон бөгөөд 1994 оноос хойш АС Милан Ювентусын хооронд энэ нөхөрсөг тэмцээн зохион байгуулагддаг болсон юм.

Энэ жил 20 дэх удаагаа “‘Луйжи Берлусиногийн цом” зохион байгуулагдлаа. Уламжлал ёсоор Милан – Ювегийн хооронд тулаан өрнөсөн бөгөөд 90 минут гоолгүй өндөрлөсний дараа торгуулийн цохилтоор ялагчыг тодруулсан. Шийдвэрлэх энэ цохилтод Юве азтай байж 5-4-өөр ялжээ. Ийнхүү тэд 9 дэх удаагаа цомыг авлаа.
Масси Аллегри гарааны бүрэлдэхүүндээ шинэ цэрэг Папастатопулос болон ”зуны амралт”-наасаа саяхан ирсэн Роналдиньо нарыг багтаасан байлаа. Мөн довтолгоонд академиас шинээр орж ирсэн Нигери довтлогч Одуамандиг  Боррьелотой хамт тоглуулжээ.

Эхний үед Миланчууд давамгай тоглолтыг үзүүлж байсан ч гоол оруулахад бага зэрэг аз дутсан. Ялангуяа Зеедорфын хоёр ч эвгүй цохилт Маннингерийг сандаргаж байлаа. Хоёрдугаар хагаст ч Юве өрсөлдөгчөө илүүрхэж чадаагүй бөгөөд цаг дуусаж торгуулийн цохилтоор ялагчыг тодруулах болсон. Миланаас Ронни, Бонера, Инзаги  нар цохилтоо оруулж Тьягу Силва алдсан бол  бол Юве-гээс Пепе, Бонуччи, Диего, Ланзафаме, Мотта бүгд алдаагүй.
Ийнхүү Сери А лигийн шинэ улирал эхлэхийн өмнө Италийн томчууд сүүлчийн ”сорилгоо” өглөө. Одоо жинхэнэ тэмцээн энэ амралтын өдрүүдэд эхэлнэ. АС Милан шинээр дээшээ гарч ирсэн Леччетэй үзэх бол Юве Баригийн талбайд зочилж шинэ улирлыг эхлүүлнэ.