Премьер лигийн 2-р тойргийн 9 тоглолт өнгөрсөн амралтын өдрүүдэд боллоо.

Бямба гаригт 2 ч баг өрсөлдөгчөө 6:0-ээр хожсон. Эхний тойрогт Ливерпулээс азтай тэнцээ салгасан Арсенал энэ удаа талбай дээрээ энэ жил дээшээ дэвшсэн Блакпултэй тоглож 6:0-ээр хожив.

21 настай Тео Уолкотт энэ тоглолтын гол од нь байж хет-трик хийж, өөрийг нь ДАШТ-д авч яваагүй Фабио Капеллод нэг юм бодогдуулсан биз ээ. Мөн Андрей Аршавин, Абу Диаби, Маруне Чамах нар тус бүр 1 гоолууд хийцгээсэн байна.

Арсеналын лидерүүд болох Дэлхийн аварга Цеск Фабрегас, Дэлхийн дэд аварга Робин ван Перси нар 2-р үед зэрэг сэлгээгээр орж, хөгжөөн дэмжигчдээ баярлуулсан. Эдгээр тоглогчид гэмтэл бэртэл зэрэг шалтгааны улмаас форм муу байгаа юм.

Челси 2-р тойрогт Уиганы талбайд зочилж, мөн 6:0-дэв. Челси ийн 2 тойргийн тоглолт хийж 2-ууланд нь 6:0-ээр хожлоо. Эхний тойрогт Вест Бромвичийн хаалганд 3 гоол хийсэн Дидье Дрогба энэ удаа 3 оновчтой дамжуулалт өгчээ. Анелька болон Калу нар 2 гоол, Малуда болон Бенаюн нар 1 гоол хийцгээсэн байна.

Челси сүүлийн 5 лигийн тоглолтонд нийт 29 гоол хийсэн гэсэн сүрдэм үзүүлэлттэй явна. Үүний 14-г нь зөвхөн Уиганы хаалганд гэнэ. Өнгөрсөн улирлын сүүлийн тоглолтонд Челси Уиганыг 8:0-ээр хожиж байжээ.

Харин Уиган сүүлийн 6 лигийн тоглолтонд 25 гоол алдав. Эхний тойрогт л гэхэд шинээр дээшээ дэвшсэн Блакпулд 0:4-өөр хожигдсон.

Челси 2 тоглолтын дараа 6 оноотой, +12 гоолын харьцаатай ПЛ-ийг тэргүүлж байна.

Эхний тойрогт Ман.Сититэй тэнцсэн Тоттенхэм 2-р тойрогт Гарет Бэйлийн ачаар Стоукийг 2:1-ээр хожлоо. Уэльсийн нялх од Бэйл өөрийн залуухан кареертаа анх удаа дубль хийжээ. Ялангуяа 2 дахь гоол нь гайхалтай гоёмсог гоол байв.

Бирмингем Блекбэрнд 1 гоолоор хожигдож явсан ч Крэйг Гарднер 2 гоол хийж хожжээ. Блекбэрнээс М.Гамст Педерсен торгуулийн цохилт алдаж азгүйтсэн.

Йохан Эльмандерийн дубль Болтонд хожил авчиржээ. Тэд Вест Хэмийг 3:1-ээр хожсон байна. Вест Хэмээс Карлтон Коул мөн пенальти алдсан юм.

Эхний тойрогт Челсид бут ниргүүлсэн Вест Бром 2-р тойрогт Сандерландыг Петер Одемвингегийн 81 дэх минутанд хийсэн ганц гоолын ачаар хожиж, 3 оноо авлаа.

Эвертон Вульвсийг 1:0-ээр хожиж явсан ч 74 дэх минутанд тэнцээний гоол алдаж, 1 оноотой л салжээ.

Ням гаригт Манчестер Юнайтед Фулхэмийн талбайд зочлов. Ердөө 11 дэх минутанд мөнхийн залуу Пол Скоулз клубынхээ төлөө 150 дахь гоолоо хийж тоог нээжээ. Харин 2-р үе эхлээд 11 минут өнгөрч байхад Фулхэмийн Дэвис тоог тэнцүүлсэн. МЮ уйгагүй довтолж, нэгэн довтолгооны дараа булангийн цохилтын эрх авсан нь 84 дэх минут байлаа. Булангаас ирсэн дамжуулалтанд МЮ-ийн тоглогчид хүрч чадаагүй ч бөмбөг Фулхэмийн хамгаалагч Хангеландийн хөлөнд хүрч, улмаар хаалганд орж МЮ-ийнхнийг баярлуулжээ. Удалгүй Д.Дафф өөрийн 16 дотор гар хүрснээр МЮ пенальти эрхтэй болоход бүгд МЮ-ийн хожилд эргэлзээгүй биз. Гэвч Нани торгуулийн цохилтоо хаалгасан юм. Гэхдээ л МЮ хожсоор, цаг дуусах дөхсөөр.

Фулхэмийн бараг сүүлийн боломж байсан байх, булангийн цохилт болоход өнөөх авто гоолын эзэн Хангеланд алдаагаа засаж, Видичийг аргалж мөргөж гоолдсоноор тоглолт
2:2-оор өндөрлөжээ.

Тоглолтын дараа Фергюсон тоглогчдоо “тэнэг” оноо алдсанд нэлээн зэмлэсэн гэнэ.

Мөн Гиггзийг пенальти цохих байх гэж бодож байсан гэнэ.

“Тоттенхэмтэй хийсэн сүүлийн тоглолтонд Нани, Гиггз талбайд цуг байсан ч Гиггз 2 ч торгуулийн цохилтыг амжилттай цохьсон. Магадгүй Гиггз цохьсон нь дээр байж” гэж Алекс хэлжээ.

Мөн Уэйн Рунигийн бие таагүй байгаа учраас тоглоогүйг баталж. Руни шигшээ баг болон клубтээ хийсэн сүүлийн 13 тоглолтонд гоолгүй яваа.

Өчигдөр болсон бас нэгэн тоглолт нь Ньюкасл болон Астон Виллагийн хооронд болов. Ньюкасл талбай дээрээ хуучны сайхан цагаа санагдуулам тоглолт үзүүлж, ПЛ-ийн сайчуудын нэгийг 6:0-ээр хожлоо. Энэ тойрогт 3 дахь тоглолт 6:0-ээр өндөрлөж байгаа нь энэ.

Залуу тоглогч Кэрроль нь хет-трик хийж, Алан Ширерийн шийрийг хатаах хүү гэдгээ харуулсан юм.

Өнөө шөнө үлдсэн 1 тоглолт болох Манчестер Сити – Ливерпулийн тоглолт болно.

2-р тойргийн тоглолтуудын дүн:

Фулхэм — Манчестер Юнайтед 2:2

Гоол: Дэвис, 57; Хангеланд, 89 – Скоулз, 11; Хангеланд, 84-авт
Фулхэм: Стокдейл, Хангеланд, Хьюз, Кончески, Пэйнтсил, Этуху, Мерфи (Грининг, 81), Демпси (Дембеле, 61), Дафф, Дэвис (Гера, 90), Замора
Манчестер Юнайтед: ван дер Сар, Эванс, Видич, Эвра, О’Ши, Скоулз, Флетчер, Пак Чжи Сун (Нани, 67), Валенсия (Гиггз, 74), Бербатов, Эрнандес (Оуэн, 74)

Ньюкасл — Астон Вилла 6:0

Гоол: Бартон, 12; Нолан, 31, 87; Кэрролл, 34, 67, 90
Ньюкасл: Харпер, Колоччини, Уильямсон, Энрике, Перч, Смит (Тейлор, 76), Бартон, Гутьеррес (Хиско, 81), Рутлидж (Амеоби, 77), Кэрролл, Нолан
Астон Вилла: Фридель, Кларк (Бейе, 89), Данн, Уорнокк, Л.Янг, Айрлэнд, Петров, Карью (Рео-Кокер, 65), Э.Янг, Даунинг, Элбрайтон (Хески, 58)

Уиган — Челси 0:6

Гоол: Малуда, 34; Анелька, 48, 52; Калу, 78, 90; Бенаюн, 90
Уиган: Кирклэнд, Гохури, Алькарас, Стам, Фигуэроа (Бойс, 84), Маккарти , Томас, Диаме (Макартур, 82), Нзогбия, Боселли, Родаллега
Челси: Чех, Иванович (Феррейра, 63), Коул, Терри, Алекс, Эссьен (Бенаюн, 80), Лэмпард, Оби Микел, Малуда (Калу, 71), Дрогба, Анелька

Вест Хэм — Болтон 1:3

Гоол: Ноубл, 79-пен – Апсон, 48-авт; Элмандер, 69, 84
Вест Хэм: Грин, Гэббидон, Апсон (Рид, 54), Илунга, Фобер, Дайер (Маккарти,76), Паркер, Ноубл, Баррера, Пикьон, Коул (Сирс, 87)
Болтон: Яаскелайнен, Стейнссон, Найт, Кэхилл, Робинсон, Ли Чун Ён (Тейлор, 80), Муамба, Холден, Петров (Блейк, 87), К.Дэвис, Элмандер (М.Дэвис, 85)

Вест Бромвич — Сандерленд 1:0

Гоол: Одемвинги, 81
Вест Бромвич: Карсон, Хара, Тамаш, Ольссон, Чех, Моррисон, Дорранс (Рид, 81), Мулумбу (Шори. 85), Брант, Томас (Барнс, 46), Одемвинги
Сандерленд: Миньоле, Онуоха, да Сильва, Брамбл, Ричардсон, Мальбранк (Зенден, 65), Хендерсон, Риверос (Уогхорн, 83), Аль-Мухамади (Уэлбек, 66), Бент, Кэмпбелл

Сток Сити — Тоттенхэм 1:2

Гоол: Фуллер, 25 – Бейл, 20, 30
Сток Сити: Соренсен, Фэй, Шоукросс, Коллинз, Хут, Уайтхэд, Уилан (Санли, 63), Этерингтон, Делап (Сидибе, 85; Тонг, 88), Валтерс, Фуллер
Тоттенхэм: Гомес, Кабуль, Доусон, Ассу-Экотто, Чорлука, Паласиос, Женас, Хаддлстоун, Бейл, Леннон (Уолкер, 87), Крауч

Эвертон — Вулверхэмптон 1:1

Гоол: Кэхилл, 43 – Эбанкс-Блейк, 74
Эвертон: Ховард, Хибберт, Бейнс, Хейтинга (Феллаини, 82), Ягелка, Дистин, Билялетдинов (Осман, 83), Артета, Кэхилл, Пинар, Бэкфорд (Саа, 71)
Вулверхэмптон: Ханеманн, Элокоби (Гедиура, 53), Крэддокк, Уорд, Берра, Фоли, Анри, Джонс (Хелфорд, 70), Джарвис, Эбанкс-Блейк (Стирмен, 90), Дойл

Бирмингем — Блэкберн 2:1

Гоол: Гарднер, 57, 71 – Нзонзи, 54
Бирмингем: Фостер, Джонсон, Данн, Риджвелл, Карр, Фергюсон, Гарднер (Фехи, 82), Ларссон, Макфадден (Бойер, 77), Джером, Жигич (Дербишир, 66)
Блэкберн: Робинсон, Нельсен, Самба, Живе (Диуф, 74), Сальгадо, Джонс (Эмертон, 64), Ольссон, Педерсен, Нзонзи, Диуф, Калинич (Хойлетт, 84)

Арсенал — Блэкпул 6:0

Гоол: Уолкотт, 13, 39, 58, Аршавин, 32-пен, Диаби, 49, Шамах, 83
Арсенал: Альмуния, Санья, Вермален, Клиши, Диаби (Фабрегас, 62) , Росицки, Уолкотт (Вела, 66), Сонг, Уилшир, Аршавин (ван Перси, 62), Шамах
Блэкпул: Гилкс, Крэйни, Эватт, Баптисте, Кэтчарт, Вон, Грандин, Сильвестр (Кейнан, 37), Адам, Хэрвуд (Ормерод, 57), Тейлор-Флетчер (Демонтаньяк, 57)

ПЛ-ийн явц	тт	хо	тн	хд	Б-х	Оноо
1. Челси	2	2	0	0	12-0	6
2. Арсенал	2	1	1	0	7-1	4
3. Манчестер Юнайтед	2	1	1	0	5-2	4
4. Болтон	2	1	1	0	3-1	4
5. Бирмингем	2	1	1	0	4-3	4
6. Вулверхэмптон	2	1	1	0	3-2	4
7. Тоттенхэм	2	1	1	0	2-1	4
8. Ньюкасл	2	1	0	1	6-3	3
9. Блэкберн	2	1	0	1	2-2	3
10. Блэкпул	2	1	0	1	4-6	3
11. Астон Вилла	2	1	0	1	3-6	3
12. Вест Бромвич	2	1	0	1	1-6	3
13. Фулхэм	2	0	2	0	2-2	2
14. Ливерпуль	1	0	1	0	1-1	1
15. Манчестер Сити	1	0	1	0	0-0	1
16. Сандерленд	2	0	1	1	2-3	1
17. Эвертон	2	0	1	1	1-2	1
18. Сток Сити	2	0	0	2	2-4	0
19. Вест Хэм	2	0	0	2	1-6	0
20. Уиган	2	0	0	2	0-10	0

6:0-ээр дүүрэн 2-р тойрог, 10.0 out of 10 based on 4 ratings