Ливерпульчууд гол тоглогчидгүйгээгээр  Трабзонспорын талбайд зочилсон ч 2 : 1-ээр ялалт байгуулж Европын лигийн эрхээ өвөртөллөө. Өмнөх тоглолтонд 1 : 0-ээр ялсан учраас давуу Ливерпулийн талд байсан. Гэхдээ ганц гоолын давамгайлал гэдэг баталгаатай зүйл биш. Тоглолт эхлээд дөнгөж 4 минут өнгөрч байхад талбайн эзэн багийн Гутьеррез гоолдож цувралын харьцааг тэнцүүллээ. Копуудын довтолгоонд тоглосон Давид Нгог сурсан зангаараа олон боломж алдаж багаа хөөдөж байлаа. Гэхдээ түүнийг Хожсон 86 дахь минут хүртэл тоглуулсан. Улмаар Бабель түүнийг оронд сэлгээгээр орж ирсэн юм.
Тоглолтын дундуур Реинагийн нүүр рүү лазераар тусгаж байсан учраас шүүгч дахин ийм зүйл давтагдвал тоглолтыг завсарлуулан гэж сануулсан.
Ливерпулийг энэ хүнд байдлаас Трабзсонспорууд өөрсдөө аварсан. Глен Жонсоны хөндлөн дамжуулалтыг Гирай Какар өөрийнхөө хаалганд оруулж тооны харьцаа 1 : 1 болсон. Улмаар 88 дахь минутад Дирк Кюит гоолдсоноор Ливерпульчууд айдгаа авдартаа хийжээ.
Энэ тулааны дараа Рой Хожсон Кюитийг дарах хүсэлгүй байгаагаа илэрхийлж түүн шиг тоглогчид дээр шинэ багаа бүрдүүлэх гэж байгаагаа хэлжээ.

Трабзонспор 1 : 2 Ливерпуль
4′ Гутьеррез – Какар 84′ (а.г), Кюит (88′)

1st half 1-0
Uploaded by FootballSoccerHighlights. – Basketball, baseball, pro wrestling and more sports videos.

2nd half 1-2
Uploaded by FootballSoccerHighlights. – Check out more sports and extreme sports videos.