Дэлхийд цар хүрээгээрээ олимпийн наадмын дараа орох олон спортын наадам бол Азийн наадам юм. Азийн Олимпийн Зөвлөлийн гишүүн 45 орон оролцдог Азийн наадам анх 1951 онд Энэтхэгийн нийслэл Дели хотноо зохион байгуулагдаж байжээ.

1978 оныг хүртэл Азийн наадам нь Азийн Спорт холбоодуудын холбооны ивээл дор зохиогддог байсан бол түүнээс хойш Азийн Олимпийн Зөвлөлийн нэрэн дор зохион байгуулагддаг болжээ.

Азийн наадмын түүхэнд нийт 46 улс оролцож байсан аж. 1971 оныг хүртэл Израйль энэхүү наадамд оролцож түүнээс хойш Европ тивд харьяалагдах болжээ.

Тайланд улс 4 удаа зохион байгуулсан нь хамгийн олон зохион байгуулсан улс болж буй юм.

Азийн наадмын угтвар:

Азийн наадам зохиогдохоос өмнө 1912 онд Японы Эзэнт гүрэн үндэслэсэн Алс Дорнодын наадам хэмээх спортын наадам зохион байгуулагддаг байжээ. Анхны наадам 1913 онд Манила хотод болж нийт 10 удаа 1934 он хүртэл зохиогдсон байна. 1934 онд зохиогдсон наадамд дайны улсаас Хятад оролцоогүй. Харин 1938 онд төлөвлөгдсөн байсан наадам цуцлагдаж түүнээс хойш зохиогдоогүй юм. Харин 1934 онд Энэтхэгүүд Баруун Азийн наадам хэмээх наадмыг санаачлан анхных нь Шинэ Делид болжээ. Уг наадамд Цейлон, Афганистан, Пакистан улсууд оролцсон байна. Гэсэн хэдий ч дэлхийн дайнаас болж дахиж зохиогдоогүй ажээ.

Азийн хэмжээнд ямар ч наадам зохиогддоггүй болоод байсан тэр үед ямар нэгэн наадам хийх хэрэгтэй дээр бүгд тодорхой хэмжээгээр санал нэгдсэн ба 1948 оны Лондоны олимпийн үеэр энэхүү асуудал нааштайгаар эргэж Азийн тамирчдын холбоо хэмээх байгууллага байгуулах тухай санал нэгджээ. 1949 онд энэхүү байгууллага албан ёсоор хурлаа хийн байгуулагдаж Азийн наадмуудын холбоо хэмээх нэрийг оноосон байна. Энэхүү хурлаар анхны Азийн наадмыг зохион байгуулахаар болж 1950 онд Шинэ Дели хотод зохион байгуулах шийдвэр гарсан.

Хэдийгээр 1950 онд зохион байгуулагдах байсан ч бэлтгэл ажил удааширсны улмаас 1951 онд л зохион байгуулжээ.

Он	Наадам	Зохион байгуулагч	Огноо	Улс	тамирчин	Спорт	төрөл
1951	I	Шинэ Дели, Энэтхэг	3 сарын 4–11	11	489	6	57
1954	II	Манила, Филиппин	5 сарын 1–9	19	970	8	76
1958	III	Токио, Япон	5 сарын 28–6 сарын 1	16	1,820	13	97
1962	IV	Жакарта, Индонези	8 сарын 24–9 сарын 4	12	1,460	13	88
1966	V	Бангкок, Тайланд	12 сарын 9–20	16	1,945	14	143
1970	VI	Бангкок, Тайланд	8 сарын  24–9 сарын 4	16	2,400	13	135
1974	VII	Тегран, Иран	9 сарын 1–16	19	3,010	16	202
1978	VIII	Бангкок, Тайланд	12 сарын 9–20	19	3,842	19	201
1982	IX	Шинэ Дели, Энэтхэг	11 сарын  19–12 сарын 4	23	3,411	21	147
1986	X	Сөүл, Өмнөд Солонгос	9 сарын  20–10 сарын 5	22	4,839	25	270
1990	XI	Бээжин, Хятад	9 сарын 22–10 сарын 7	36	6,122	29	310
1994	XII	Хирошима, Япон	10 сарын 2–16	42	6,828	34	337
1998	XIII	Бангкок, Тайланд	12 сарын 6–20	41	6,554	36	376
2002	XIV	Бусан, Өмнөд Солонгос	9 сарын  29–10 сарын 14	44	7,711	38	419
2006	XV	Доха, Катар	12 сарын 1–15	45	9,520	39	424
2010	XVI	Гуанжож, Хятад	11 сарын  12–27			42	476
2014	XVII	Инчон, Өмнөд Солонгос	9 сарын  19–1? сарын 4	Ирээдүйн арга хэмжээ
2019	XVIII	тодорхойгүй(2011)	тодорхойгүй	Ирээдүйн арга хэмжээ
2023	XIX	тодорхойгүй (2011)	тодорхойгүй	Ирээдүйн арга хэмжээ