Монголын туялзуур сэлэмний улсын аварга шалгаруулах тэмцээн өчигдөр Улаанбаатар хотноо болж өнгөрлөө. Байгуулагдаад удаагүй Монголын туялзуур сэлэмний холбооноос зохион байгуулсан уг тэмцээн нь эпээ буюу хүнд сэлэмний төрлөөр зохиогдсон бөгөөд тэмцээнд 16 тамирчин хурд, хүчээ сорьсон юм. Тэмцээний аваргаар Б.Баттөмөр шалгарсан бол мөнгөн медалийг Д.Ганбаатар, хүрэл медалийг Э.Баярбат нар хүртжээ. Эцэг өвгөдийн маань дэлхийг донсолгож явсан сэлмийн эрдмийг орчин цагт хөгжүүлэхээр хичээн ажиллаж буй Монголын туялзуур сэлэмний холбооныхон энэ жилийн улсын аварга болсон Б.Баттөмөрийг энэ жилийн арваннэгдүгээр сард болох Азийн 16-р наадамд оролцуулахаар болсон байна.