Рафаель Бенитезийн Интер шинэ улирлыг тааруухан эхлүүлж байна. Европын суперцомд Атлетикод ялагдсан шуугиан нь намдаж амжаагүй байхад тэд Сери А лигийн эхний тойргийн тоглолтдоо ялалт авч чадсангүй. Болоньягийн талбайд хийсэн энэ тулаанд Рафа Майконоос бусад бүх шилдгүүдээ гаргасан ч гоол оруулж чадалгүй гэрийн зүг буцжээ.

Яг л Реал Мадридийн адилаар Интер бүх үзүүлэлтээр өрсөлдөгчөө илт илүүрхсэн ч эсрэг багийн хаалган дээр ирээд тэр бүх хичээл зүтгэл нь сүйрч байлаа. Болонья шинэ улирал эхлэхийн өмнө дасгалжуулагч Коломбагаа халсан учраас залуучуудын багийн менежер Маньяни энэ тоглолтонд тэднийг удирдсан.

Хэдийгээр Маньяни түр зуур энэ албыг хашсан ч лигийн аваргатай тэнцсэн учраас энэ албан тушаалдаа үлдэж магадгүй байгаа гэнэ. Тоглолт эхлээд 14 минут өнгөрч байхад Лусио Цесар нар хоорондоо ойлголцоогүйн улмаас хаалгандаа гоол алдах дөхлөө. Харин Дамиан Хименес бөмбөгөө хаалганы дээгүүр цөлж тэднийг аварсан байна. 6 минутын дараа Портанова түүний хийж чадаагүйг гүйцээж болох байсан ч булангийн цохилтоос ирсэн бөмбөгийг тун сулхан мөргөж Цесарт бариулсан байна. Энэ мэтчилэн Интер эхний хагаст бүрэн утгаараа дээрэлхүүлсэн учраас Рафа Бенитез 2-р үед шинэ цэрэг  Филиппе Коутиньог талбайд Пандевийн оронд орууллаа.
Эхний үед хангалттай тоглож чадаагүй Уэсли Шнайдер энэ үеэс аюултай олон довтолгооныг зохион байгуулж, өөрөө ч Вивианог хэд хэдэн удаа шалгаад амжлаа.

гэхдээ тэр гоол оруулж чадсангүй. 76 дахь минутад      Самуэль Это’о маш сайхан гоолын болмж алдлаа. Ийнхүү Интер эхний тойргийн тоглолтодоо тэнцсэнээр  Милааас 2 оноогоор хоцорч эхэллээ. Рафа тоглолтын дараа ”Манайхан хоёрдугаар бүгдийг зөв хийсэн. Шнайдер, Милито, Это’о гээд бүгдээрээ сайн байлаа. Милитогийн хувьд 2-р үед ядарсан болохоор суулгасан. Тэрнээс түүнийг тааруухан байсан гэж би хэлэхгүй. Бидэнд нэг нэгнээ сайн ойлгоход цаг хугацаа хэрэгтэй байна. Тиймээс хүлээгээд юу болохыг харах л үлдлээ” гэжээ.