Хөлбөмбөгийн зуны арилжаа наймааны цонх өнгөрсөн шөнө албан ёсоор хаагдлаа. Цонх хаагдахаас өмнө олон наймаа ар араасаа хөврөн хийгддэг ёсоор олон тоглогчид хэдхэн цагийн дотор буурь сэлгээд амжжээ. Ингээд та бүхэнд хамгийн сүүлд багаа сольсон тоглогчдыг танилцуулья.

2 жилийн өмнө Их Британий рекорд үнээр Ман Ситид ирж байсан Робиньо яг ирсэн шигээ солилцоо наймааны сүүлчийн өдөр Миланд очлоо. 2008 онд 32 сая фунтээр Манчестерт ирж байсан бол энэ удаа 15  сая фунтээр Италийн багт зарагдсан байна. Миланчууд түүнтэй 4 жилийн гэрээ үзэглэсэн гэнэ. ”Милан бол гайхалтай түүхтэй, сайн тоглогчидтай агуу баг. Би шинэ андуудтайгаа энэ улиралд олон цом хүртэнэ гэж найдаж байна. Кака надад Миланы талаар олон сайхан зүйл ярьж байсан. Бас бусад Бразилийн тоглогчид ч энд байгаа нь надад хурдан идээшихэд туслах байх. Би бэлтгэл сургуулилтаа сайн хийж Миланы фенүүдийг баярлуулах болно” хэмээн Робсон ярьжээ. Шинэ багтаа Робиньо 70  дугаарыг зүүх юм байна. Харин Златан 11 дугаарыг сонгожээ.
Шинэ улиралыг эдгээр тоглогчидгүйгэээр гайхалтай эхлүүлж Леччег 4 : 0-ээр ялсан АС Миланы довтолгоо ийнхүү маш хүчтэй болж байна.

***

Италийн шигшээ багийн тоглогч Мауро Каморанези Ювентусаас явлаа. Тэрээр Бундеслигийн Штутгарт багт нэг жилийн зээллэгээр очсон гэнэ. 2002 оноос Ювегийн төлөө зүтгэхдээ Мауро 288 тоглолтонд оролцож 32 гоол оруулсан байна. Мөн түүнтэй хамт хамгаалагч Жонатан Зебиба доод лигээс гарч ирсэн Брескиа багт шилжжээ.

***

Эвертоны хамгаалагч Жосеф Ёобо нэг жилийн зээлээр Фенербахче багт очлоо. 29 настай Нигери эрийн хувьд 2002 оноос Ливерпулийн багт хүчин зүтгэж байгаа. Энэ хугацаандаа тэрээр 196  тоглолтoнд оролцсон. Гэвч сүүлийн үед гараанд багтаж чадахгүй байгаа учраас тэрээр ийнхүү Турк луу хүлгийн жолоо заллаа.

***

Бирмингэм сити клуб наймааны цонх хаагдахаас өмнө час хийсэн сайн наймаа хийчихлээ. Тэд Барсагаас Александр Глебыг нэг жилийн зээллэгээр авсан байна. 29 настай Беларус эр 2008 онд Арсеналаас Барсад ирж байлаа. Гэвч энд тэр байр сууриа олж чадаагүй учраас түрүү жил Штутгартад нэг жил зээлээр тоглосон юм. Харин энэ зун эргэж ирснийх нь дараа дахин зээлээр явуулж байна. Барсачууд ямар ч байсан түүнийг зарах бодолгүй байгаа юм байна.

***

Робиньо, Златан ирснээр Марко Боррьелогийн ирээдүй бүрхэг болсон. Ювентус түүнийг зээлээр авахаар санал тавьсан ч Миланчууд татгалзсан бөгөөд улмаар Рома клуб түүнийг авлаа. Ромчууд Марког нэг улирлын зээлээр авч байгаа бөгөөд ирэх зун 13 сая евро төлж жинхлэх юм байна.  Sky Sport Italia-д ярихдаа Борр ”Би Ромагийн гишүүн болсондоо баяртай байна” гэжээ. Ямар ч байсан аль аль тал нь сэтгэл хангалуун л үлдсэн юм шиг байна.

***

Өнгөрсөн ДАШТ-ий од, Ганын шигшээ багийн довтлогч Гьян Сандерлэнд багийн гишүүн болжээ. Асамоагийн төлөө Сандерланд 13 сая фунт төлсөн бөгөөд энэ нь клубын түүхэн дэх хамгийн үнэтэй наймаа болж байгаа юм байна. Тэрээр өмнө нь Францын Ренн багт тоглож байсан. Шинэ багтаа Гьян Даррен Бентийн хамт аюултай хослол үүсгэх байх.

***

Арсеналын залуу хамгаалагч Арманд Троаре нэг жил Ювентуст зээлээр тоглохоор болсон байна. Өдгөө 21 настай Франц эрийг 2006 онд Арсен Венгер итгэл хүлээлгэн Францаас авчирсан юм. Гэвч мань эр одоо болтол гарааны тоглогч болж чадаагүй л байна. 2008–2009 онд Арманд Портсмутад зээлээр тоглож байсан.

***

Рой Хожсоны хамгийн сүүлийн наймаа Пол Кончески боллоо. 29 настай зүүн жигүүрийн хамгаалагчыг Ливерпуль 4 жилийн гэрээгээр Анфиелдэд авчраад байна.
Конческитэй зөрөөд Аргентин хагас хамгаалагч Инсуа Галатасарай багт зээлээр явлаа. Уг нь түүнийг Фиорентинад зээлэх гэж байсан боловч 2 тал ойлголцож чадаагүйн улмаас Инсуа эргэн ирсэн юм.
Фулхэм, Вест Хэм, Тоттенхэм гээд Английн багуудад зүтгэж явсан хашир туршлагатай түүний ур чадвар Ливерпульд тус болно гэдэгт Рой итгэлтэй байгаа юм байна. Түүний дебут тоглолт 9 сарын 12-нд Бирмингэмийн эсрэг хийх тоглолтонд тохиох гэнэ.

***

Шинээд Ла лигт дэвшсэн Херкулес клуб Реалаас Дрентег зээлээр авлаа. Голланд хамгаалагч өнгөрсөн улиралд ердөө 12 тоглолтонд оролцож 1 гоол оруулсан. Мөн түүнд гарааны эрх олдоход хүндрэлтэй байгаа учраас эзэн хааны баг энэ шийдвэрийг гаргажэээ. Херкулесчууд энэ наймаанаас өмнө Трезегег авах гэж байсан ч бүтээгүй.

***

Ливерпулийн Инсиаг зээлээр авсан Туркийн Галатасарай клуб Германы Вольфсбург багийн найруулагч Мисимовичийг 4 жилийн гэрээгээр эгнээндээ багтаагаад байна. Франк Райкаардаар удирдуулсан Галатасарайчууд түрүү улиралд тийм ч сайн тоглож чадаагүй. Харин зуны наймааны цонхоор ийнхүү бүрэлдэхүүнээ сайжруулснаар дахин аваргын төлөө өрсөлдөх боломжтой болж байна. Өдгөө 28 настай Мисимович 2 жилийн өмнө Нюрнбергээс Вольсбургт ирж байлаа. Түүнийг ийнхүү багаа орхих болсон нь мэдээж Диего ирсэнтэй холбоотой.

***

Атлетико Мадридийн довтлогч Жосе Хурадо Германы Шальке багт очлоо. Хурадо 13  сая еврогоор Германд очиж 4 жилийн гэрээ хийсэн гэнэ. Хурадо уг нь энэ улирлын нээлтийн тоглолтонд оролцож гоол оруулаад амжсан. Гэвч шинэ адал явдлыг хайна ийнхүү Германыг зорилоо.