Португалын шигшээ багийн дасгалжуулагч Карлуш Кейрошыг тус улсын допингийн эсрэг холбооноос 6 сараар торголоо. Учир нь Карлуш өнгөрсөн 6 сард явагдсан хөлбөмбөгийн ДАШТ-ий өмнө допингийн шинжилгээнд тамирчдаа оролцуулахаас татгалзаж бүдүүлэг аашилсан учраас ийнхүү торгуульж байгаа юм.

Кейрош анх удаа ийм хэрэг орооцолдож байгаа хэрэг бус. Тэрээр 5 сард ДАШТ-ий өмнөх бэлтгэлээ базааж байхдаа допингийн шинжилгээ авах гэсэн албаны хүмүүсийг хэл амаар доромжилсон учраас 1 сарын торгууль хүлээж, 1,000 фунт стерлингээр торгуулж байсан юм. Кейрошд оногдуулсан энэхүү шийдвэр мөн Португалын хөлбөмбөгийн холбоонд ч хамааралтай болж байгаа.

Учир нь холбооны зүгээс түүнтэй гэрээ байгуулж ажиллаж байгаа учраас тэд ч бас тодорхой хэмжээний мөнгөн торгууль хүлээх нь тодорхой. 57 настай Карлуш өнөөдөр Кипртэй  хийх Португалын тоглолтонд оролцохгүй. Мөн 9 сарын 7-нд Норвегийн багтай хийх тоглолтыг ч өнжинө.
Урьдчилсан шатны дараагийн тоглолтууд 10 сард байгаа. Португалчууд 10 сард Дани, Исландын багуудтай тоглоно. Хэрвээ Кейрошын Олон улсын арбитрийн шүүхэд гаргасан гомдол хүчингүй болох юм бол тэрээр эдгээр тоглолтуудад ч багаа удирдан оролцуулж чадахгүй болох нь.
Хэрвээ Карлуш өөрийгөө хамгаалж чадахгүй бол ирэх оны 3 сараас л шигшээ багаа удирдан тоглолтуудад оролцох боломжтой болох нь. Карлуш 2008 оны зунаас эхлэн Португалын шигшээ багийн дасгалжуулагчаар ажиллаж байгаа.