Д.Шаравдорж  чансаагаа ахиулав

Филиппинд явагдсан ФИДЕ-гийн ерөнхийлөгч асан Ф.Кампоманес агсны нэрэмжит нээлттэй тэмцээнд 22 их мастер цолтон бүхий 72 шатарчин швейцарь системээр 9 тавилд өрсөлдснөөс ИМ Чао Зюнь (БНХАУ), ИМ Ле Льем (Вьетнам) нар ижил 7, ИМ Дин Лижэн (БНХАУ) 6,5 оноогоор эхний байруудыг эзэлж  манай ИМ Д.Шаравдорж 5 оноотой 19-р байрын амжилт үзүүлжээ.

Оюутны ДАШТ эхэллээ

Энэ сарын 5нд Швейцарийн Цюрих хотноо эхэлсэн Оюутны шатрын 11 дэх удаагийн ДАШТ-д оролцож буй 37 (эдгээрийн 5 нь эмэгтэйчүүдийн их мастер цолтон) эмэгтэй шатарчдын чансааг эрэгтэйчүүдийн ОУМ Б.Мөнгөнтуул магнайлж байгаа бөгөөд эхний тавилд Д.Янжиндулам, У.Лхамсүрэн нар ялж Т.Батчимэг хожигджээ.

10 их мастер цолтон бүхий 57 эрэгтэй шатарчдын 1-р тавилд  Б.Гүндаваа, Г.Мөнхгал хоёр гоц мөргөн 0,5 оноо авч харин Г.Эрдэнэ, Г.Оргил нар ялагджээ.Тэмцээн швейцарь системээр 9 тавилд явагдаж 11ний өдөр дүнгээ гаргана.

Манай Б.Мөнгөнтуул тэмцээний гараанд эзэн орны шилдэг шатарчинтай тоглосон өргийг сонирхоно уу.

Б.Мөнгөнтуул – С.Моника

“Том дуулга”-ын төлөөх тулаан

Энэ сарын 3-8ны өдрүүдэд БНХАУ-ын Шанхай хотноо “Том дуулга”-ын цувралын тэмцээн явагдаж Л.Аронян (Армен,2783), В.Крамник (ОХУ,2780), А.Широв (Испани,2749), Ван Хао (БНХАУ,2724) нар 2 тойрогт өрсөлдөх бөгөөд эхний 2 байр эзэлсэн шатарчид 10-р сарын 9-15нд Испаний Бильбаод болох эцсийн шатны тэмцээнд В.Ананд,М.Карлсен нарын хамт Дуулгын төлөө тулалдах юм.Хожилд  3, тэнцээнд 1 оноо өгөх журамтай энэ тэмцээний эхний тойргийн дараа Л.Аронян,А.Широв хоёр 5, В.Крамник 3, Ван Хао 1 оноотой байна.Монголчуудын ярьдгаар “Ханхай гурав давхарлавал мад” болдогийг Армений их мастер хэрхэн харуулсныг сонирхоно уу.

Ван Хао – Л.Аронян