Швед, Недерландын багтсан E хэсэгт гоолын хуртай тоглолтууд боллоо. Үнэндээ тэр ”хур” Сан Мариног л хангалттай ”норгосон” гэхэд болно. Эхний тойрогт Голландын шигшээд 5 : 0-ээр ниргүүлсэн Сан Мариночууд энэ удаа Шведийн ”Гурван титмийнхэн” 6 : 0-ээр ялагдлаа. Евро болгоны урьдчилсан шатанд Сан Марино ийнхүү арвин гоол алдаж фенүүдээ гомдоодог нь бараг заншил болсон. Евро 2008-ын сонгон шалгаруулалтын эхний тоглолтдоо л гэхэд тэд Германд 0 – 13-ээр ялагдаж анти амжилт тогтоож байлаа.

Цаашдаа ч тэдний алдах гоолын тоо өсөх байх. Шведийн шилдэг довтлогч Златан 7, 77 дахь минутад дубль хийсэн. Мөн Шведийн ирээдүйн залуу халаа Маркус Берг нэг гоол,  Гранквист мөн нэгийг нэмэрлэсэн. Харин үлдсэн 2 гоолыг Сан Марино өөрсдөө оруулж Шведчүүдэд ”тусалжээ”.
Энэ хэсгийн лидерээр маргаангүй бичигдэж байгаа Недерландчууд 2-р тойрогт Финляндыг 2 : 1-ээр яллаа. Багаа сольсоноосоо хойш тун өнгөтэй байгаа Клаас Ян Хунтелаар дубльдэж эх орондоо ялалт бэлэглэсэн. Голландчууд энэ жил 14 тоглолт хийснээс 12-т нь ялаад байна. Энэ нь шигшээ багийн түүхэнд нэг жилд хамгийн олон ялалт авсан амжилт боллоо. Хэдийгээр Роббен, Кюит, ван Перси гээд довтолгооны шилдгүүд нь байхгүй ч Голландад нэг их хүндрэл учраагүй.
Цаг дуусахаас 8 минутын өмнө Рүүд сэлгээгээр орж ирсэн ч гоол оруулж хараахан амжсангүй.

ШВЕД – САН-МАРИНО – 6:0 (3:0)
Ибрагимович, 7 (1:0). Д.Симончини, 12 – в свои ворота (2:0). Вернблоом, 26 (3:0). Гранквист, 51 (4:0). Ибрагимович, 77 (5:0). Берг, 90+3 (6:0).

ГОЛЛАНД – ФИНЛЯНД – 2:1 (2:1)
Хюнтелар, 7 (1:0). Хюнтелар, 17-с пенальти (2:0). Форссель, 19 (2:1).

УНГАР – МОЛДОВА – 2:1 (0:0)
Рудольф, 50 (1:0). Коман, 66 (2:0). Суворов, 79 (2:1).

#	Группа E	Т/Т	Х	Т	Хж	+/-	О
1	ШВЕД	2	2	0	0	8-0	6
2	ГОЛЛАНД	2	2	0	0	7-1	6
3	УНГАР	2	1	0	1	2-3	3
4	МОЛДОВА	2	1	0	1	3-2	3
5	ФИНЛЯНД	2	0	0	2	1-4	0
6	САН-МАРИНО	2	0	0	2	0-11	0