С Хэсэг

1. Манчестер Юнайтед (Их Британи)
2. Валенси (Испани)
3. Рэйнжерс (Шотланд)
4. Бурсаспор (Турк)

1. Манчестер Юнайтед

Өнгөрсөн улиралд дотооддоо : Премьер лигт 2-р байр, Лигийн цомын ялагч, ФА цом 3-р шат
Европын тавцанд : Аваргуудын лигийн шөвгийн найм
Дасгалжуулагч : Сер Алекс Фергусон (1986 оноос хойш)
Тоглолтын арга барил : Хурдтай сөрөг довтолгоо. Жигүүрийн сайн тоглогчидтой.
Хамгаалалт баг бэх.
Давуу тал : Ямар ч довтолгооныг няцааж чадах хамгаалалт. Дэлхийн шилдэг довтлогч Уэйн Рүүни.
Сул тал : Райн Гиггз, Пол Скоулз гэсэн ахмад тоглогчдод төвийн шугамаа даатгасан. Тэдний сул тал төвийн хагас.
Түлхүүр тоглогчид : Уэйн Рүүни, Неманья Видич, Пол Скоулз
Боломжит амжилт : Хагас шигшээ
Гарааны 11 (4-4-2): Ван дер Сар  О’Ши, Видич, Фердинанд, Эвра; Валенси, Флетчер; Скоулз, Нани; Рүүни, Бербатов.

2. Валенси

Өнгөрсөн улиралд дотооддоо : Ла лигт 3-р байр
Европын тавцанд : Европын лигийм шөвгийн найм
Дасгалжуулагч : Унаи Эмери (2008 оны зунаас хойш)
Тоглолтын арга барил : Хурдан, нэг хүрэлтээр явдаг довтолгоо зонхилсон хөлбөмбөг
Давуу тал : Ур чадвар сайтай жигүүрийн тоглогчид довтлогчдыг гоолын дамжуулалтаар хангалттай хангана.
Сул тал : Найдваргүй хамгаалалт
Түлхүүр тоглогчид  Хуан Мата, Роберто Солдадо, Эверт Банега, Хоакин
Боломжит амжилт : Шөвгийн найм
Гарааны 11 (4-4-2): Цесар; Мигель, Мадуро, Деалберт, Матье; Хоакин, Банега, Албелда, Мата; Солдадо, Адуриз.

3. Рэйнжерс

Өнгөрсөн улиралд дотооддоо : Шотландын лигт түрүүлсэн, Шотландын цомд түрүүлсэн
Европын тавцанд : Аваргуудын лигт хэсэгтээ 4-р байр
Дасгалжуулагч : Уолтер Смит (2007 оны 1 сараас хойш)
Тоглолтын арга барил : Хамгаалалтад тулгуурласан тоглолттой. Дэлхийн хэмжээний од дутагддаг.
Давуу тал ; Зохион байгуулалт, итгэл үнэмшил, гэртээ үзүүлдэг сайн форм
Сул тал : Гоол оруулах хүчтэй довтлогч дутагддаг
Түлхүүр тоглогчид :     Мажид Буггера, Стевен Дэвис, Кенни Миллер
Боломжит амжилт : Хэсэгтээ 3-р байр, Европын лигийн эрх
Гарааны 11 (4-5-1): Макгрегор;  Броудфут,  Буггера, Уэйр, Папак; Уиттакер, Нэйсмит, Дэвис, Эдү, Лафферти; Миллер

4. Бурсаспор

Өнгөрсөн улиралд дотооддоо : Туркийн суперлигийн ялагч, Туркийн цомын шөвгийн найм
Евопын тавцанд  :
Дасгалжуулагч :  Эртугрул Саглам (2009 оноос хойш)
Тоглолтын арга барил : Хагас хамгаалагчид довтолгоонд идэвхтэй оролцдог, үзүүштэй хөлбөмбөгийг эрхэмлэдэг.
Давуу тал : Хурдтай. Довтолгооны олон хувилбартай.
Сул тал : Европын тавцанд өрсөлдөхөд туршлага дутна
Түлхүүр тоглогчид : Озан Ипек, Волкан Сен,     Серхан Йылдырым
Боломжит байдал : Европын лигийн эрх
Гарааны 11  (3-5-2): Иванков; Эрдоган, Степанов, Ведерсон; Сен, Эрдик, Тандоган, Симикер, Ипек; Йылдырым, Нунез

МанЮ-гийн хувьд үнэхээр сайхан сугалаа болсон гэдэгтэй хэн ч санал нийлэх байх. Улаан чөтгөрүүд түрүү жил маш харамсалтай байдлаар хасагдсан учраас энэ жил тэр алдаагаа давтахыг хүсэхгүй байгаа нь ойлгомжтой. Чөтгөрүүд энэ зуны наймааны цонхоор тун идэвхгүй байж Хавьер Эрнанде, Бебе. Смаллин нараас өөр тоглогч аваагүй. Мөн гол тоглогчдоо ч алдалгүй үндсэн бүрэлдэхүүнээ хадгалж чадсан юм.
МанЮ-гийн амжилтын гол түлхүүр болсон Уэйн Рүүни ДАШТ-ий ”шокноосоо” гарч дахин гоолдож эхэлсэн. Хэдийгээр гэр бүлийн асуудал түүнийг зовоож байгаа ч гэсэн шигшээ багтаа гоолдож энэ шуугианыг дарж чадсан билээ. Шотландын багийн талбайд зочлох тоглолт л тэдэнд гай тарьж мэднэ. Ер нь ямар ч тэмцээн Шотланд – Английн баг хоорондоо оноолт таарсан 2007 оны аваргуудын лигт л гэхэд тэд Селтиктэй нэг хэсэгт багтахдаа Шотландад зочлоод 1  :0-ээр ялагдаад буцаж байсан.
Рэйнжерс түрүү улиралд G хэсэгт багтаад хомоол хамж юу ч үгүй хоцорсон. Гэсэн ч лигтээ түрүүлж чадсанаар дахин Аваргуудын лигт эргэн ирлээ. Зуны наймааны цонхоор Рапид Вэйнээс Никица Елавич гэх довтлогч авснаас өөр олигтой наймаа хийсэнгүй.
Харин маш олон тоглогчдынх нь гэрээ дууссан учраас явуулсан байна. Тэдний дотор Крис Бойд (Мидлсборо), Дамаркус Бизли, Стевен Смит гэсэн шилдэг тоглогчид нь багтаж байгаа.
Тэд одоо Шотландын лиг эхлээд 3 тойрог өнгөрөөд байхад 3 хожилтой явж байна.
Валенсигийн хувьд энэ жил тэдэнд итгэл үзүүлэх хүмүүс нилээд цөөрсөн. Учир нь Давид Вилья, Давид Силва гэсэн хоёр гол тоглогчдоо явуулсан учраас тэдэнд хүндрэл учрах болно.
Мөн Марчена, Жигич, Дель Орьн, Бараха нар ч багаа орхисон байгаа.
Гетафегаас ирсэн Роберто Солдадо хэдий сайн довтлогч хэдий ч Давид Вилья шиг гоолдоно гэж байхгүй. Дотоодын лигтээ энэ бүрэлдэхүүнтэй Реал болон Барсатай лигийн аваргын төлөө тэмцэх нь бараг найдваргүй учраас Эмери гол анхаарлаа аваргуудын лигт хандуулна байх.
Туркийн төлөөлөл Бурсаспор битүү морьд тооцогдож байна. Фенербахче, Галатасарай, Бешикташ гэсэн шилдгүүдийг сөхрүүлэн түрүү жил лигтээ түрүүлсэн тэд европын ямар ч туршлага байхгүй. ”Үнсгэлжин”-гийн түүхийг хэдэн жилийн өмнө Фенербахче хийж байсан шиг халуун цуст Туркууд тийм  амар бууж өгөхгүй байх.

SN-ийн таавар

1. МанЮ
2. Валенси
3. Бурсаспор
4. Рэйнжерс