Москвагийн дэлхийн аваргын 55 кг-д зодоглож байгаа МУГТ Б.Наранбаатар шөвгийн 16-д шалгараад байна. Манай бөх эхний тойрогт хийлж дараагийн даваанд Киргизстаны  Михайль Захароыг 5 : 0-ээр илт илүүрхэн буулган авчээ.

Одоо хагас шигшээд үлдэхийн төлөө Азербайжаны бөх 18 настай Тугрул Асгаровтай барилдана.  ДАШТ-ий мөнгө хүрэл медальтай манай тамирчин энэ давааг давбал медальд хүрэхэд нэг алхам ойртох юм

Одоогийн байдлаар FILA-гийн ДАШТ-ий медалийн хүснэгтэд манай улс 1 алтан медальтай 8-р байранд жагсаж байна. Манай улсын ард Хятад, Америк, Өмнөд Солонгос бичигдэж байгаа юм.

Өчигдөр 35 жил хүлээсэн Дэлхийн аваргын алтан медалийг бидэнд С.Батцэцэг бэлэглэж төрийн дууллаа Москвагийн тэнгэрт эгшилүүлсэн. Харин өнөөдөр манай гавьяат Монголчуудын ДАШТ-аас хүртсэн алтан медалийн тоог 5 болгоно гэдэгт итгэлтэй байна.