Карлуш Кейрош Португалын шигшээ багийн дасгалжуулагчын албанаасаа халагдлаа. Хэдийгээр саяхныг хүртэл Португалын хөлбөмбөгийн холбоотой Карлуш сайн харилцаатай байсан ч 6 сараар торгуульсан учраас түүнийг халсан нь нэг талаараа зөв зүйл болсон байх.

Хэрвээ Карлушыг үлдээсэн бол ирэх жилийн 3 сар хүртэл шигшээ баг дасгалжуулагчгүй тоглох болоод байсан юм. Өнгөрсөн ДАШТ-ий өмнө Кейрош допингийн шинжилгээ авах гэсэн албаны хүмүүсийг хэл амаар доромжилж эсэргүүцэл үзүүлсэн учраас тус улсын допингийн эсрэг холбооноос түүнийг 6 сараар торгосон.
Үүнээсээ болж тэрээр Евро 2012-ийн урьдчилсан шатны эхний 2 тоглолтонд багаа удирдаж чадаагүй. Дасгалжуулагчгүй Португалчууд эхлээд сулхан Киприйн багтай 4 : 4-өөр тэнцэж дараа нь Норвегийн шигшээд 1 : 0-ээр дийлдсэн юм. Кейрошын оронд хэн Португалыг дасгалжуулах нь тодорхойгүй байна.