Москва 2010 чөлөөт бөхийн дэлхийн аварга шалгаруулах тэмцээн өнөөдөр 55 кг жингийн барилдаан болж байгаа билээ. Энэ жинд манайхны гол найдлага гавьят тамирчин Баяраагын Наранбаатар барилдаж байгаа юм.

Наранбаатар гавьят маань эхний үед хийлж, хоёрдугаар үед Киргизстаны бөхийг хоёр үед илт давамгай ялсан бол гуравдугаар шатанд Азарбайжений Тогрул Аграсов хэмээх 1992 онд төрсөн залуу тамирчинд хоёр үед 7-2 оноогоор хожигдсон юм. Аграсов цаашаагаа Японы бөхийг ялж одоо алтан медалын төлөө барилдах эрхтэй болсон.

Ингэсэнээр манай гавьят Наранбаатар дагах барилдаанд орж медал зулгаах боломжтой болсон юм.

Дагах барилдааны эхний шатанд Камерүүний тамирчин Хенри Мокиг хоёр үед 8-0 оноогоор давамгай ялсан бол хоёрдугаар шатанд Болгарын Ризван Гадзевыг 7 – 1 харьцаагаар буулгаж авсан байна.

Одоо хүрэл медалын төлөө оуютаны дэлхийн аварга Ясухиро Инаба – тай барилдах гэж байна. Үүнийг ялвал Наранбаатар маань дэлхийн дэвжээнээс гурван медалтай болох юм.