Ливерпулийн менежер Рой Хожсон лигийн хүснэгтэд одоохондоо анхаарал хандуулах хэрэггүй гэдгийг сануулжээ. Түүний хэлснээр өнгөрсөн 3 тойргийн тоглолтын дүнд санаа зовоод байх хэрэггүй аж. “Бид өөрсдийгөө хэдэн оноотой байгааг мэдэж байна. Гэхдээ  энэ нь хүснэгтэд хэдэд явахтай холбоогүй. Миний бодлоор 10-н тоглолт явагдаж дуусах хүртэл хүснэгтэд ач холбогдол өгөөд хэрэггүй байх .Харин үүний дараа бол чи хүснэгтийн тэргүүлж байгаа багууд болон доор байгаа багуудаас хэр их зайтай байгааг ажиглаж болно. Дөнгөж 3 тойргийн дараа сэтгэлээр унана гэдэг утгагүй хэрэг.

“Лигийн хүчтэй багуудын хоёртой нь бид аль хэдийнэ тоглочихсон.. Арсеналд гэртээ, Ситид зочилж. Гэмтэл бэртэл энэ 2 тоглолтонд нөлөөлж бид шилдэг бүрэлдхүүнээ гаргаж чадаагүй ч гэсэн ддоо шилдэг бүрэлдэхүүнээ тун удахгүй гаргана.”
“Лигийн арван тойргийн дараа л би хүснэгтэнд санаа тавина.  Тэр болтол багийнхаа тоглолт болон үзүүлэлтэд л  анхаарлаа хандуулна..”

Шигшээ багаасаа эргэн ирсэн тоглогчидтойоо бэлтгэл хийх цаг Хожсонд хангалттай байгаа.

“Товлосон цаг бол цаг.  Нэг өдрийн бэлтгэл ч гэсэн асар үнэтэй зүйл. Өмнө нь бид хагас сайнд лигийн тоглолттой байхад лхагва гаригт шигшээ багийн тоглолт явагддаг нь хүндрэлтэй байсан. энэ асуудал маш төвөгтэй байсан. Харин мягмар гаригт тоглож байгаа нь их зөв зүйл болж байна.
Энэ шийдвэрийг гаргасан УЕФА-гийн удирдлагуудад талархах  хэрэгтэй” гэжээ.
Тэрээр мөн довтолгооны шугамынхаа талаар ”Би гол анхаарлаа Давид Нгог болон Райн Бабельд хандуулж байгаа. Эдгээр залууст өмнө нь тийм ч их боломж олддоггүй байсан. Тиймээс Торрест хэсэг хугацааны амралт өгч тэдэнд боломж олгоно” гэсэн байна.