Энэ сарын 5-11ний өдрүүдэд Швейцарийн Цюрих хотноо явагдсан Оюутны шатрын ДАШТ-д 17 орны 100 шахам шатарчид оюун ухаан,тэвчээр чадвараа сорин өрсөлдлөө.

Төгсгөлийн тавилын өмнө Б.Мөнгөнтуул эмэгтэйчүүдийн тэмцээнийг ганцаараа 6 оноотой хошуучилж байснаа бататган Индонезийн их мастерыг ялж аваргын алтан медаль зүүлээ.

Манай бүсгүйчүүд Т.Батчимэг 5,5 Д.Янжиндулам, У.Лхамсүрэн нар 4,5 оноо авч 50-аас дээш хувийн амжилт үзүүллээ

Эрэгтэй шатарчдын тэмцээнд 8,5 оноотой супер их мастер Ван Юэ чансааны 200 онооны зөрөөгөө харуулж аргагүй л тасархай түрүүлэв.Мөнгө,хүрэл медалийн эзэд тодрох байсан сүүлчийн тавилд Б.Гүндаваа Израилийн ОУМ Х.Ильятай хараар нүүхдээ ялалт байгуулсан боловч ижил 6,5 оноотой байсан дөрвөн шатарчнаас коэффициентоор 4-р байрт шалгарч олон цолтнуудыг ардаа орхижээ.Эрэгтэй шатарчдаас Г.Мөнхгал 5, Г.Эрдэнэ 4, Г.Оргил 2,5  онооны амжилт үзүүллээ.

Монголын баг 19 оноогоор (Б.Мөнгөнтуул 7, Б.Гүндаваа 6,5 Т.Батчимэг 5,5) түрүүлж 18,5 оноотой Гүрж,ОХУ-ын багууд удаах байрыг эзэлжээ.

Блиц тоглолтын тэмцээнд олон улсын 7 цолтон бүхий 60 шатарчид оролцсноос Голландын ИМ С.Робин 8 оноогоор түрүүлж Монголын Г.Мөнхгал 8, Б.Гүндаваа 7 оноогоор удаах байруудыг эзлэв.

Хувийн болон багийн аварга цолны хувь заяаг шийдсэн төгсгөлийн тавилын өргүүдийг сонирхуулъя.