Дэлхийн оюутны аварга шалгаруулах Боксын IV  тэмцээн эхлэхэд сар хүрэхгүй хугацаа үлдээд байна. Тэмцээний бэлтгэл ажлыг хангахаар НЗДТГазар, БТСГазар, Монголын Оюутны Спортын Холбоо, Монголын Олимпийн Боксын холбоо, “Голомт” банкны дэргэд ажлын хэсгүүд тус тус байгуулагдан ажиллаж байна.

Тэмцээнд ÎÕÓ, Казакстан, Òóðê, Узбекстан,  Беларус, Өмнөд Африк, Коста Рика, Франц, Тайланд, Украйн, Молдав, Чех, Эстони, Энэтхэг, Польш, Словак, Азербайжан, Грек, Герман, Арабын Нэгдсэн Эмират улс зэрэг 30 орчим орны 250  гаруй баг тàìèð÷èä оролцох албан ёсны мэдүүлгээ өгөөд байна. Үүнээс  ОХУ-ын 23 хүний бүрэлдэхүүнтэй баг тамирчид, Украин улсын 16 хүний бүрэлдэхүүнтэй баг тамирчид, Казакстан улсын 15 хүний бүрэлдэхүүнтэй баг тамирчид, Турк улсын 16, Киргизийн ахлагтай 14,  Өмнөд Африк 13 хүн, Энэтхэгийн 12 хүний бүрэлдэхүүнтэй баг тамирчид ирэх тооны  мэдүүлгээ ирүүлсэн байсан бол 9 сарын 4нд Литви улс оролцохоо албан ёсоор мэдэгдсэн. Оюутны аваргын тэмцээнд Казакстан, Франц, Польш. ОХУ, Грузин, Украйн, Тайланд, Киргизстан, Молдав, Турк зэрэг 10 орнуудаас ОУСБХ-ны шүүгчид ирнэ.

Монголын баг тамирчид Хөх хотод 14 хоногийн хамтарсан бэлтгэл хийж байгаа бөгөөд ОХУ-ын баг тамирчид 9 сарын 27нд хамгийн түрүүнд ирж хамтарсан бэлтгэл хийх бол Тайваны тамирчид 10 сарын 1нд ирэх саналтай байгаагаа мэдэгдлээ.

Тэмцээнд хэрэглэгдэх боксын бээлий, толгойн хамгаалалт, гарын боолт

Тэмцээний Ерөнхий ивээн тэтгэгчээр “Голомт” банк, ивээн тэтгэгчээр МИАТ, Mэжикнэт, “Баянгол” зочид буудал, “Содпрэсс” хэвлэлийн газар, мэдээллийн ивээн тэтгэгчээр МҮОНРТ, TV9  телевиз, “Өдрийн сонин” ажиллаж байна.

Тэмцээний техникийн үйл ажиллагаа, орчуулга, зочид буудал, спортын заал, машин тээвэр, нисэх буудал зэрэгт ажиллах оюутнууд өнгөрсөн долоо хоногт уулзалдан тус тусынхаа ажил үүргийг хариуцан авсан бөгөөд дараа 7 хоногт нэгдсэн сургалтанд хамрагдана.