Реал доод лигээс гарч ирсэн Левантегийн талбайд гоолгүй тэнцэж сенсаац дэгдээлээ. Тэр тусмаа Леванте лигийн эхний 4 тоглолтдоо 10 гоол алдсан нь хамгийн тааруу үзүүлэлт байсан юм. Мадридийн багийн энэхүү бүдрэлтийг Валенси ашиглаж лигийн хүснэгтийг дахин тэргүүлж эхэллээ.
Жозе Моуриньогийн хөвгүүд өмнөх тоглолтуудын адил бөмбөг эзэмшилт, цохилтоо өрсөдөгчүү илт илүүрхэж байсан ч яг гоол оруулах цаг болоход боломжоо ашиглаж чадалгүй байсаар цаг дуусгасан. Тэд 69 хувьтай бөмбөг эзэмшиж 25 удаа цохилт хийж 6-г нь хаалга руу чиглүүлжээ. Харин Леванте нэг ч удаа хаалга руу чиглэсэн цохилт хийсэнгүй. Өнгөрсөн улирлын Реалын мэргэн бууч Игуайн ердөө тавхан метрийн зайнаас гоол оруулж чадаагүй бол Роналду, Бензема нар ч өөртөө олдсон боломжуудаа чулуу болгож чадаагүй.
Одоо эзэн хааны баг Францын Осер багийн талбайд Аваргуудын лигийн 2 дахь тоглолтоо хийх болно.

Барса Атлетикийн Сан Мамес цэнгэлдэхэд зочилж 3 : 1-ээр яллаа. Эхний хагаст Каталончууд гоолдож чадаагүй ч 2-р үед 3 гоол дараалан оруулж хүснэгтийн 2-р байр луу урагшиллаа.
Бөмбөг эзэмшилтээр Барса 77 хувьтай байсан нь улирал эхэлснээс хойш харагдаагүй үзүүлэлт. Атлетикийн хаалгач Горка Ираисос эхний үед Барсагийн гоол оруулах олон боломжыг үгүй хийсэн. Педро болон Вилья нарын цохилтыг тэрээр хааж Барсад боломж олгосонгүй. 34 дэх минутад Фернандо Аморебьета Иниестаг алдаа гарган унагаасан тул шүүгч улаан хуудсаар торгож талбайгаас хөөлөө.
Хүн дутуу үлдсэн учраас дараагийн үед Бильбоа гоол алдалгүй хамгаална гэдэг хүнд болсон.
55 минутад Вильягийн маш гоёмсог уралдуулсан дамжуулалтыг Кэйта эхний хүрэлтээрээ хаалганд оруулж тооны харьцааг нээлээ.
Улмаар 74 дэх минутад Хавигийн алсын цохилтыг Ираисос хамгаалж чадсангүй алдсанаар тооны харьцаа бүр холдллоо.
Давид Вилья энэ өдрийн тулаанд гоол оруулахаар хичээл зүтгэл маш их гаргасан ч түүний азгүй өдөр байжээ. 87 дахь минутад Давид Вилья улаан хуудсаар торгуулж Барсагийн өмсгөлтэй анх удаа улаан хуудас хүртсэн. Цаг дуусаж байсан 90 дэх минутад талбайн эздийн Габилондо гоол оруулсан. Гэсэн ч тоог тэнцүүлэхээр улайран довтолж ар талаа бараг орхисон тэдний алдааг ашиглан Барса нэмэлт цагт Бускетс 2 гоолын зөрүүг дахин хадгалж чадсан юм.

Бильбао. Стадион “Сан Мамес”. 34053 үзэгч. Шүүгч- Матеу Лахос (Валенсия).
АТЛЕТИК – БАРСЕЛОНА – 1:3 (0:0)
Кейта, 55 (0:1). Хави, 74 (0:2). Габилондо, 90 (1:2). Бускетс, 90+3 (1:3).
Атлетик	Барселона
Горка Ираисос	Виктор Вальдес
Андони Ираола	Даниэл Алвеш
Микель Сан Хосе	Херард Пике
Фернандо Аморебьета	Карлес Пуйоль
Йон Ауртенехе	Адриано, 46
Карлос Гурпеги	Серхио Бускетс
Пабло Орбаис, 46	Хави, 82
Хави Мартинес	Сейду Кейта
Игор, 46	Педро
Игор Габилондо	Андрес Иньеста, 82
Фернандо Льоренте, 68	Давид Вилья
Сэлгээ :
Айтор Осио, 46	Максвелл, 46
Оскар Де Маркос, 46	Боян Кркич, 82
Андер Итурраспе, 68	Тиагу, 82
Шар хуудас:
Йон Ауртенехе, 81	Херард Пике, 59
Фернандо Аморебьета, 34	Давид Вилья, 87

***

Хихон. Стадион “Эль Молинон”. 17000 үзэгч. Шүүгч- Фернандес Борбалан (Альмерия).

СПОРТИНГ – ВАЛЕНСИЯ – 0:2 (0:2)

Мехмет Топал, 7 (0:1). Сольдадо, 10 (0:2).

***