Дэлхийн шатрын олимпиадын тоглолтын 5 тавилын дараа Гүржийн баг 10 (хувийн 17,5), Армен 10 (15), Унгар 10 (13,5) оноогоор эрэгтэй шатарчдын багуудыг, Украин 10 (16), ОХУ-I 10 (14), АНУ 9 (15), Унгар 9 (14) оноогоор эмэгтэйчүүдийг тус тус хошуучилж байна.

5-р тавилд Монголын эрэгтэй шатарчдын баг их мастер цолтнуудаас бүрдсэн Словений багтай тэнцэж, эмэгтэй шатарчид олон улсын цолтнууд бүхий Израилийн багт 0,5:3,5-аар ялагдлаа. Ийнхүү эрэгтэй шатарчдын баг 6 (11), эмэгтэйчүүд 5 (11,5) оноотой болов.

Хувийн амжилтын байдлаар  эрэгтэйчүүдээс Б.Гүндаваа 2,5 (5 өргөөс), Н.Баттулга 3 (5), Г.Эрдэнэ 2 (4), Ц.Батчулуун 2,5 (4), Б.Хатанбаатар 1 (2), эмэгтэй шатарчдаас Б.Мөнгөнтуул 3,5 (4), У.Лхамсүрэн 3 (5), А.Энхтуул 3 (4), Б.Анхчимэг 3 (5), С.Отгонжаргал 1 (2) оноотой байна.

5-р тавилд манай шатарчдын ялалт байгуулсан 2 өргийг сонирхуулъя.

Даваа гаригийн орой тоглох 6-р тавилд манай эрэгтэйчүүдийн баг 28-р ширээнд Австралийн (49), эмэгтэй шатарчид 26-р ширээнд Шри Ланкийн (83) багтай тус тус өрсөлдөнө.