Дэлхийн шатрын олимпиадын тоглолтын 7 тавилын дараа Украины баг 13 (хувийн 21), ОХУ-I 12 (19), Унгар 12 (17,5) оноогоор эрэгтэй шатарчдын багуудыг, ОХУ-I 14 (21,5), Гүрж 12 (21), Энэтхэг 12 (20,5) оноогоор эмэгтэйчүүдийг тус тус хошуучилж буй бол Монголын эрэгтэйчүүдийн баг 9 (15,5) оноотой 42-р, эмэгтэйчүүд мөн 9 (18,5) оноотой 30-р байрт тус тус явж байна.

Хувийн амжилтын байдлаар  эрэгтэйчүүдээс Б.Гүндаваа 2,5 (6 өргөөс), Н.Баттулга 3,5 (6), Г.Эрдэнэ 3 (6), Ц.Батчулуун 3,5 (6), Б.Хатанбаатар 3 (4), эмэгтэй шатарчдаас Б.Мөнгөнтуул 5,5 (6), У.Лхамсүрэн 3 (6), А.Энхтуул 5 (6), Б.Анхчимэг 4 (6), С.Отгонжаргал 3 (4) оноотой байна.

Өнөө орой 8-р тавилд эрэгтэйчүүд Канадын (53) багтай, эмэгтэйчүүд Латвийн (22) багтай тоглоно.

Шатарчдын ширээний оноолт:

1. Б.Гүндаваа (2460) – М.Блюштейн (2583)

2.Т.Рассел (2484) – Н.Баттулга (2421)

3. Ц.Батчулуун  (2422)– Л.Черный (2485)

4.А.Самсонкин (2409) – Б.Хатанбаатар (2392)

Бүсгүйчүүд:

1. Б.Мөнгөнтуул (2412) – Л.Рогула (2354)

2.И.Берзина (2283) –  А.Энхтуул (2122)

3. Б.Анхчимэг (2153) – К.Скинка (2217)

4. Н.Виктория (2199) – С.Отгонжаргал (2143) нар тус тус тоглоно.