Леонел Месси бэртлээсээ эргэн ирсэн ч Барсагийн өөр нэгэн чухал тоглогч бэртэл авчээ. Чави ахиллесийн шөрмөсөө бэртээсэн учраас ирэх долоо хоногт явагдах шигшээ багийн тоглолтыг өнжих гэнэ. Испаний шигшээ 10 сарын 8-нд Литвитэй Европын аваргын урьдчилсан шатны тоглолтоо хийнэ. Мөн 12-нд Шотландтай тулна.
Чавигаас гадна шагайны бэртэлтэй Раул Албиол, премьер лигийн тоглолтын үеэр шөрмөсөө бэртээсэн Фабрегас нар дээрхи тоглолтыг өнжих гэнэ. Дель Боске ирэх тоглолтуудын талаар ”Маш чухал 2 тоглолт биднийг хүлээж байна. Энэ бол биднийг дахин сэргэх хэрэгтэй гэсэн дохио. Эдгээр багууд аль аль нь хүчтэй гэдгээ өмнөх тоглолтуудад баталсан. Польш Украйныг зорихын тулд заавал ялах шаардлага бидэнд тулгараад байна. Тийм болохоор бага ч гэсэн алдааг гаргахгүй байх хэрэгтэй байна” гэжээ.
Испаний бүрэлдэхүүн :
Икер Касильяс (Реал Мадрид), Виктор Валдес (Барселона), Жосе Рэйна (Ливерпуль); Алваро Арбелоа (Реал Мадрид), Серхио Рамос (Реал Мадрид), Карлос Пуойль (Барселона), Жерар Пике (Барселона), Карлос Марчена (Вильяреал), Хоан Капдевилья (Вильяреал), Начо Монреаль (Осасуна); Хаби Алонсо (Реал Мадрид), Серхио Бускетс (Барселона), Санти Карорла (Вильяреал), Андрес Иниеста (Барселона); Педро Родригез (Барселона), Хесус Навас (Севилья),     Давид Вилья (Барселона), Давид Сильва (Манчестер сити),     Фернандо Льоренте (Атлетик), Фернандо Торрес (Ливерпуль).