Энэ жил гурав дахиа Тур де Франсд түрүүлсэн Испани залуу Контадорийн шээсний шинжэлгээнээс дүрмэнд хориотой бодис илэрчээ. Шинжилгээг Тур де Франсын уралдаангүй өдөр авсан байна.

Тодорхойлолт дээр бичсэнээс үзвэл Дэлхийн анти-допингийн агентлагийн жагсаалтанд хориотой кленбутерол хэмээх бодис илэрсэн бөгөөд энэ нь булчингийн хэмжээг томсгож, цусны даралт, анхаарал хандуулах чадвар зэрэгт нөлөөлдөг аж.

Өмнө нь Хятадын анхны мэргэжлийн дугуйч Ли Фуюугээс энэ бодис илэрч байсан байна. Энэ хоёр дахь том тохиолдол гэнэ.

Контадор энэхүү шинжилгээний хариуг хүлээн зөвшөөрөхгүй байгаа бөгөөд илэрсэн шалтгааныг хоол хүнстэйгээ холбон тайлбарлаж байгаа ажээ.