Дэлхийн шатрын олимпиадын үеэр ФИДЕ-гийн 81 дэх удаагийн Их хурал болж олон асуудал хэлэлцэн шийдвэрлэсний нэг нь К.Ильюмжинов энэ байгууллагын Ерөнхийлөгчөөр, сонгуульд өрсөлдөгч А.Карповыг 95:55 харьцаагаар ялж  дахин сонгогдсон явдал байв.

Дэлхийн аварга асан А.Карпов өнгөрсөн хавар өөрийнхөө нэрийг энэ албан тушаалд дэвшүүлсэн мөчөөс эхлэн К.Ильюмжиновын эсрэг шатрын ертөнцийг бүхэлд нь хамарсан томоохон сурталчилгаа явуулж ирсэн бөгөөд тэр нь энэ их хурал дээр ч үргэлжилсэн учир өчигдөр зохион байгуулалтын асуудал хэлэлцэх үед маргаантай зүйлүүд олон гарч өдөржин хуралдсан Төлөөлөгчид залхаж ядарсан гэнэ.

К.Ильюмжинов  ФИДЕ-г 15 жил толгойлох хугацаандаа их зүйл бүтээсэн бөгөөд манай оронд Шатрын ордон барих,сургуулийн хөтөлбөрт шатрын хичээл оруулах зэрэгт тусалж эхлээд байгаа билээ.