Утрехт 0 : 0 Ливерпуль

Ливерпуль дахиад л фенүүдээ гомдоож Европын лигт Утрехт багтай гоолгүй тэнцлээ.
Улаанууд Утрехтийн талбайд илүү тоглолт үзүүлж чадаагүй бөгөөд Пепе Рэйнагийн гайхалтай хаалтуудын ачаар 1 оноо авсан гэхэд хилсдэхгүй. Бөмбөг эзэмшилт болон цохилтын аль алинаар нь хоёр багийн үзүүлэлт ойролцоо байна.
Утрехт талбайдаа хийсэн сүүлийн 6 тоглолтдоо ялсан сайн формтой байгаа. Харин Ливерпуль сүүлийн 14 зочилж тоглосон тоглолтынхоо 3-т нь ялсан болохоор энэ үр дүн хэн хэнд нь шударга болсон байх. Стивен Жеррардыг гэртээ үлдээж Голландад зочилсон Улаануудын тоглолт төдийлөн сайн болсонгүй, Фернандо Торрес улирлын анхны Европын лигийн тоглолтдоо оролцсон. Гэсэн ч тэрээр 90 минутад юу ч хийж чадсангүй.

Ганц гэгээлэг зүйл Ливерпуль 1966 оноос хойш Голландын багт ялагдаагүй үзүүлэлтээ үргэлжлүүллээ. Тэр жил Ливерпуль Аякст ялагдсан бөгөөд түүнээс хойш 12  тоглолтонд Голландын багт ялагдаагүй байгаа.
Тоглолтын эхний хагаст алсын цохилт хийж байсан Торрес 2-р хагаст бүр нэг ч үзэгдээгүй гэхэд болно. Тэрээр тоглолтын турш 3 удаа хаалганы дээгүүр цөлж нэг ч удаа хамгаалагчаас мултарч чадсангүй.
Ливерпульчууд Европын лигийн шинэ улирал эхэлснээс хойш нэг ч булангийн цохилт, хөндлөн дамжуулалтаа амжилттай болгоогүй цөөхөн багуудын нэг боллоо.
Энэ хэсгийн өөр тоглолт       Стяуа – Наполигийн хооронд болж 3 : 3-аар тэнцсэн учраас Ливерпуль хэсгийн тэргүүнд хэвээр үлдлээ.

Манчестер сити – Ювентус 1 : 1

А хэсэгт Манчестер сити Ювентус гэсэн онц сонирхолтой тоглолт явагдсан. Сити европын тэмцээнд талбайдаа гадны багт ялагдаж байгаагүй гэсэн сүрдмээр үзүүлэлттэй. Гэвч  10 дахь минутад Яквинта гоолдож талбайн эздийг хүнд байдалд оруулаа.
Италиас Англи руу ирэх гэж 10 цаг зорчсон ч Ювынтус тун идэвхтэй тоглож байлаа. Ялангуяа Дель Пьеро гайхалтай байж Ювегийн довтолгоог найруулж байлаа.
37 дахь минутад Адам Жонсон тооны харьцааг тэнцүүлсэн. Ситигийн довтолгоонд тоглосон Адебайор үүргээ тун муу биелүүлж гоол оруулж чадсангүй. Ийнхүү тэрэр сүүлийн 7 тоглолт дараалан гоол оруулж чадсангүй.
Энэ хэсгийн 2 лидер ийнхүү оноо хуваалаа.
Харин Леч Познан Зальцбургийг буулган авч 4 оноотой хэсгээ тэргүүлж эхэллээ.
Араас нь Сити адил оноотой нэхэж байна.

Өнгөрсөн шөнө яваггдсан тоглолтуудын дүн.