Өнгөрсөн улирал: 32-50 амжилтыг үзүүлсэн. Гэхдээ энэ нь Нетс, Тимбервульвз, Визардсаас илүү л дээ.

Ерөнхий дасгалжуулагч: Жим О’Брайн дахиад л гүйгээд л байдаг багийг удирдана. (Өнгөрсөн улиралд тэд НБА-ийн хоёр дахь хурдан баг болсон) Энэ удаа түүний систем нь холбон тоглогчид илүү өгөөжөө өгөх биз ээ.

Гол гарз: Трой Мерфи, Эрл Уатсон, Лютер Хед.

Гол олз: Даррен Коллисон, Пол Жорж, эрүүл байвал Тайлор Хансборо, Лэнс Стифенсон, магадгүй Магнум Ролл (драфтын хоёрдугаар бүсийн сонгол. Гэрээ хийгдээгүй байгаа)

Байж болох хамгийн сайн хувилбар: Даррен Коллисон ирснээр Пейсерс илүү сайжрана. Дорнодын 8-р байрны төлөө өрсөлдөх биз.

Юу болох бол: Өнгөрсөн улирал Даррен Коллисон олдсон минут бүрийг гайхалтай сайнаар ашиглаж, нэр хүндээ тун сайнаар өсгөсөн. Даррен Коллисон харин энэ удаа өөрийгөө бүрэн харуулах ёстой. Өөрөөр хэлбэл Даррен Коллисон сайн нөөц тоглогч биш сайн тоглогч гэдгээ л харуулна гэсэн үг.

Ер нь Пейсерсийн тоглолт Даррен Коллисонгоос хамаарах болно. Тэр багийн амжилтын гол хүчийн зүйл нь байх хэдий ч Трой Мерфигийн орон зайн маш ихээр үгүйлэгдэх биз ээ. Түүний орон зайг Тайлор Хэнсборо, Жош МакРобертс, заримдаа Дэнни Грэнжер нөхөх гэж оролдоно. Энэ бол асуудал.

Мерфи багийн хувиараа ч, амжилтаараа ч хоёр дахь холын зайн мэргэн бууч төдийгүй самбараас авалтын мастер байсан. Өнгөрсөн улирал Хансборо самбарт шаггүй авьяастай гэдгээ харуулсан ч Трой Мерфигийн зэрэгт бол хүрэхгүй ээ.

Өнгөрсөн жил тэдний баг довтолгооны самбараас авалтаар лигтээ 29-д, хамгаалалтын самбараас авалтаар 22-д байсан. Тэд хэдийгээр run and gun буюу хурдан довтолгооны хувилбарыг сонгодог ч самбараас авалт бол маш чухал. Энэ ачаа Хэнсборо, МакРобертс, сайжирч буй Рой Хибберт, магадгүй Жефф Фостер дэр бууна.

Ямар Пейсерс ирэх улиралд тоглох вэ? Индиана ирээдүйд том том солилцоог багагүй хийх байх. Одоогийн бүрэлдэхүүн бол дутуу.

Бид Дэнни Грэнжерээс шилдэг, идэвхитэй, үр дүнтэй тоглолтыг нь хүлээх нь мэдээж. Даррен Коллисон багийнхандаа маш их нөлөөлнө. Эсвэл түүний орыг залгах Ти Жей Форд, Эрл Уатсон ч юм уу.

Дэнни Грэнжер, Даррен Коллисон нарын авьяаслаг залуугаас гадна нэг хүнээс хүмүүс маш их зүйлийг хүсч байгаа. Рой Хибберт довтолгоонд тааруу ч хамгаалалтанд дажгүй. Түүний тглосон минутанд харьцуулсан үзүүлэлт нь өнгөрсөн улирал эрс өссөн. Түүний гол анхаарах зүйл нь алдаа хийхээ л болих хэрэгтэй. Тэгэх аваас түүнд бүрэн боломж бий.

Хибберт 36 минутад дунджаар 16,7 оноо, 8,2 самбар, 2,3 блок шотыг өнгөрсөн жил хийжээ. Гэхдээ тэр өнгөрсөн улирлын турш 69 тоглолтонд гараанд гарахдаа ердаа гуравхан удаа 36 минут тоглосон байна.

Брэндон Раш сайн, Пол Жорж их итгэл хүлээж байгаа, Дантэй Жонсоос юу ч гарч магадгүй. Ер нь Пейсерсд авьяас бий.

Таамаглал: 35 ялна. Даррен Коллисон энэ багийн гол хөдөлгүүр болно. Тэр яг дасгалжуулагч Жим О’Брайний тоглолтонд таарсан тоглогч. Түүнчлэн 4 дугаарын байрлал буюу хүчний довтлогчийн байрлалд алдаа олон гарах байх.