Тоттенхэмийн довтлогч Роман Павлюченко шагайны бэртэл авсан учраас Ирланд, Македонтой хийх Евро 2012-ийн урьдчилсан шатны тоглолтуудыг өнжих болсон байна. Дик Адвокаат түүний оронд Зенитийн довтлогч Бухаровыг авч явахаар болсон гэнэ. Одоогоор Оросууд хэсэгтээ 3 оноотой 2-р байранд явж байна. Тэдний өмнө Ирланд, Слокваын багууд бичигдэж байгаа юм.

Арсеналыг 2 : 0-ээр буулган авахад гайхалтай гоол оруулсан Бразил хамгаалагч Алекс  тоглолтын төгсгөлд ташаандаа бэртэл авсан. Энэ нь түүнийг 3 долоо хоног хөлбөмбөгөөс хол байлгах болжээ. Ингэснээр тэрээр Бразилийн шигшээн 2 нөхөрсөг тоглолтыг өнжих боллоо. Мөн премьер лигийн Астон Вильятай хийх тоглолт болон Аваргуудын лигт Спартакын эсрэг тоглохгүй юм. Түүний хамтрагч Жон Терри олон улсын тоглолтуудын өмнө бага зэрэг зовиуртай байна. ”Би олон удаа хувирга руугаа тохоилдуулж байсан. Рентгенд харуулахад хавирга маань зүгээр гарсан ч гэсэн зовиур мэдрэгдээд л байгаа” хэмээн тэрээр ярьжээ.

Реалын хагас хамгаалагч Лассана Диарра сэлгээнд сууж байгаадаа сэтгэл дундуур байна. 25 настай Франц эр Жозе Моуриньог ирснээс хойш ихэнхидээ банз халааж байгаа. Тиймээс өөрт нь илү боломж олгохгүй бол багаа солино гэжээ. Сүүлд Диарра МанЮ-тай нэр холбогдоод байгаа. Ирэх өвлийн цонхоор Юнайтед Диарраг авч магадгүй гэсэн цуу яриа хэвлэлээр их гарч байна.

Эдин Жеког Ювед алдан учраас Манчестер сити өөр супер довтлогчын эрэлд гарлаа. Энэ удаа тэдний байр АС Миланы сэлгээнд сууж буй Пато байж магадгүй байна. Алешандред тэд 65 сая еврогийн санал бэлдэж байгаа гэнэ. Энэхүү наймаанд хамгаалагч Забалета юм уу Адебайор нарын нэг нь ”хавчуулагдан” Итали руу явж магадгүй юм байна. Адебайор Манчинигийн итгэлийг алдаад байгаа болохоор Итали мэргэжилтэн ихэнхидээ Тевесийг ганцааранг нь урд тоглуулж байгаа юм.