МанЮ-гийн Итали довтлогч Македа багтаа үлдэхээр болжээ. Ирэх өвөл түүнийг төрөлх багт Лацио руу буцна гэж хэвлэлүүд бичиж байсан ч тэрээр МанЮ-д үлдэж гарааны эрхийн төлөө тэмцэхээр шийдсэн гэнэ. Македа ”Би Лацио руу буцаж явах уу гэж үү ? Үгүй ээ би тэгж бодохгүй байна.

Сер Алекс Фергусон намайг явуулахгүй гэж хэлсэн. Дасгалжуулагчаасаа ийм үг сонссондоо маш их баяртай байгаа. Үүнийг л би хэлэх байна” гэжээ. Түүнийг 2007  онд 16 настай байхад нь МанЮ-гийн скаутууд Англид авчирч байсан.

Лацио клубынхээ  академиар хүмүүжүүлсэн тоглогчоо ийнхүү МанЮ-д  хамар дороосоо алдсан. Залуу эр анх 2009  оны 4 сард Астон Вильягийн эсрэг сэлгээгээр орж ирэн хожлын гоол оруулж багаа түрүүлүүлэхэд чухал үүрэг гүйцэтгэж байсан билээ. Түүнээс хойш Македа цөөнгүй тоглолтонд гараанд гарч тоглоод байна.