Манчестер ситигийн араб эзэн Шэйх Мансур бин Заяад хөлбөмбөгийн ертөнц дэх хамгийн баян эзнээр тодорчээ. Өнгөрсөн жил энэ жагсаалтыг тэргүүлж байсан QPR багийн эзэн Энэтхэгийн тэрбумтан Лакшми Митталаас тэрээр 3 тэрбум фунтээр илүү гарч жагсаалтыг тэргүүлсэн байна. Хэдийгээр Ситигийн төлөө арилжаа наймаанд харамгүй их мөнгийг Шэйх Мансур зарж байгаа ч түүний эрдэнэсий сан дундрах байтугай жоохон ч гэсэн багассангүй. Газрын тосны үнэ өссөнөөр Масур Шэйх 3 тэрбум фунтын ашиг олжээ. Сүүлийн 2 жил Сити шинэ тоглогч авчрахад 325 сая фунтыг зарцуулсан гэсэн дүн гарчээ. Шэйхийн харамгүй цацсан их мөнгөний хэрэг ямар ч байсан гарч одоогоор Сити премьер лигийн хүснэгтийн 2-р байранд бичигдэж байна. Харин баян эзэнтэй QPR клуб Английн 2-р лигийн тэргүүлж байгаа бөгөөд ирэх улиралаас премьер лигт дэвшиж магадгүй байна. Тэгвэл тэдний Энэтхэг эзэн ч арилжаа наймаанд мөнгө харамлахгүй бизээ.
Челсигийн эзэн Роман Абрамович нэг байр ухарч 4-р байранд орлоо. Энэ нь түүний Лонодны багийг авсанаас хойшхи хамгийн доогуур чансаа болж байна.
Абрамовичийг багийнх нь ойрын хөрш Арсеналын хувьцаа эзэмшигч Алишер Усманов ардаа орхижээ. Өнгөрсөн жил энэ жагсаалтын 9-рт бичигдэж байсан Узбек-Оросын бизнесмений хөрөнгө ийнхүү огцом өссөн нь хувьцаа болон металлийн үнэ өссөнтэй холбоотой.
Доод лигийн Саутхэмптон багийг эзэмшдэг Льебхеррийн гэр бүлийн хөрөнгө 3 тэрбум фунт. Үүгээрээ тэд 5-р байранд Романы ард жагслаа.
Дараагийн байруудад Жое Льюс (Тоттенхэм , £2.7bn), Денис O’Брэйн (Селтик, £1.87bn), Станли Кроенке (Арсенал, £1.85bn), Глэйзэрийн гэр бүл (МанЮ, £1.53bn) Берни Эклестаун(QPR, £1.4bn).