Suzuka International Racing Course бол  Формула-1 ийн хүнд хэцүү   боловч  нисгэгчдийн дуртай тойрог зам  билээ. Энэ зам нь 1962 онд Хонда концерний захиалгаар Недерландийн архитектор Ханс Хугенхольцийн зургаар бүтээгдсэн юм. Түүний урт нь  5807 км ба дэлхий дээрхи цорын ганц наймын тоо хэлбэртэй Гран Пригийн зам юм. Сузукад нисгэгчдийн цөсийг хөөргөх бүх шинжийг агуулсан гэдэг. Үүний дотор эргэлтийн радиусаар нь нэрлэсэн  зүүн эргэлт “130R “ ,  эхний секторт байдаг хамгийн хурдтай  S эргэлт мөн гүйцэж түрүүлхэд  тохиромжтой шулуун хэсэг зэрэг багтана.

Сузукад 1987-2006 оны хооронд Японы Гран При  явагдсан бөгөөд 1989 онд Алейн Фрост болон Сенна нарын  зууны хэмээн нэрлэгдсэн мөргөлдөөн мөн 1994 оны ширүүн  бороон дахь   тулаан, 2000 оны Шумахерийн Ферраригийн анхны аварга цол бас 2005 оны Райкконений адармаатай ялалт  зэрэг гайхалтай үйл явдлууд өрнөж байлаа.

2007, 2008 онуудад  Японы Гран Приг  Хондагийн өрсөлдөгч Тоёотагийн  Фужи уралдааны замд   зохион явуулсан юм. Санхүүгийн бэрхшээлээс болж Тоёота  цаашид уралдааныг явуулахаас  татгалзсан учир эргээд Сузукад  дээд ангилалийн хүлгүүд уралдах боломжтой болсон.

Асфальт: долгионтой

Дугуйны чанар : дунд болон хатуу

Дугуйны элэгдэл: их

Тоормосны элэгдэл : их

Бүрэн хаазлах хэмжээ: 67%

Нэг тойрогт араа солигдох тоо: 42

Топ хурд: 313 км

Бүрэн хаазлах замын урт: 1230 м 16 секундэд

Шатахуун зарцуулалт: өндөр

Чиглэл: цагийн зүүний дагуу

Зүүн эргэлт: 8

Баруун эргэлт: 10

Анхны ялагч болон гарааны түрүүг  Ферраригийн Герхард Бергер авчээ.

Одоо уралдаж байгаа нисгэгчдээс  Михаэль Шумахер хамгийн олон буюу 6 удаа Сузукад түрүүлсэн бол Рубенс Барикелло , Себастьян Феттель нар тус бүр нэг түрүүлж байжээ.

Red Bull  Сузукад хүчирхэг байгаагаа  Баасан гарагийн 2 чөлөөт уралдаанаар нотоллоо. RB6 –гийн шинэчилсэн аэродинамик нь хурдтай эргэлттэй  замд  маш сайн зохицож байгаа бөгөөд өнгөрсөн жилийн  түрүүг авсан Себастьян Феттель  болон  Марк Веббер нар уралдааны эхнээс л өөрсдийн давамгайлалыг харуулж эхэлсэн юм. Эхний уралдаанд   Роберт Кубица хагас секундээр,  Адриан Сутил 1 секундын зайтай удаах байруудыг  эзэлсэн.  McLaren- ний шинэ урд хитэгний чанарыг бүрэн дүүрэн шалгах боломж  нисгэгчидэд  нь байсангүй. Хэмилтон ,  Баттон  хоёулаа “Degner” эргэлтээр  замаас гарцгаасан юм. Ялгаа нь Хэмилтон хашлага мөргөж машинаа эвдсэн бол Баттоны машины дугуй элсэнд суужээ. Хэдийгээр Хэмилтон  жагсаалаас гарсан  ч жагсаалтын 5-д бичигдсэн юм. Хэмилтоны машиныг маргааш бэлэн байлгахын тулд засварын ажил шаргуу явагдаж байна. Багийн дарга Мартин Уитмаршийн яриагаар шөнө машины аралыг солих ажээ.

Хоёрдахь чөлөөт  уралдаанд мөн л Red Bull –ийн хоёр тэргүүллээ.  Роберт Кубица дахин Red Bull –ийг араас ойрхон нэхсэн  нисгэгч болж  өмнөх  хугацаагаа ч ахиулж чаджээ.  Фернандо Алонсо болон Фелиппе Масса нар  4, 5-р байрт оров. Нутгийн дэвжээндээ зодоглож байгаа хоёр Япон нисгэгч  Кобояаши  (BMW Sauber)   Ямамото (HRT F1)нар  12, 24 –р байруудад хурдлав.

Дэлхийн аварга цолын төлөө одоогоор 5 нисгэгч найдлага тавьж байгаа. Формула-1ийн сүүлийн гараа Абу Дабид аваргын титмийг хүртэх   хамгийн боломжтой нисгэгчид бол  Марк Веббер  (202) мөн түүнээс 11 оноо бага Фернандо Алонсо (191)  нар юм. Энэ хоёрын ард Хэмилтон (182) Феттель (181) Баттон (177) оноотой нэхэж яваа юм.

Red Bull

Тэд зам дээр гарсан мөчөөсөө Сузукад хамгийн хүчирхэг гэдгээ харуулсан. Тэдний машинд  Сузука хамгийн тохиромжтой тойрог зам юм. Гэхдээ  дунд болон богино эргэлтүүдэд  бусдаас илт илүүрхэж  байгаа ч шулуун хэсэгт хамгийн хурдтай нь биш  юм.  Бямба гарагт цаг агаар амжилтанд нь нөлөөлөх талтай. Маргаашийн цаг агаарын урдчилсан мэдээгээр бороо орох  магадлал өндөр юм байна. Тэд хуурай замд хурдтай байгаа боловч нойтон зам дээр энэ давамгайлалаа хадгалж чадах уу? Үүнд тэдний сэтгэл зовнихгүй байгаа аж. Феттелийн үзэж буйгаар хуурай замд сайн бол нойтон замд ялгаагүй гэжээ.  Хоёр нисгэгчид нь  бусадтай тэмцэлдэхээс гадна хоорондын өрсөлдөөн их бий . Багийн дарга Кристиан Хорнер тэр хоёрт   сэтгэл санаагаа тайван байлгаж багтаа балаг тарихгүй байх талаар  ярьж байгаа нь ойлгомжтой. Өнөөдөрийн уралдаанаас маргаашийн гол өрсөлдөгчийг танихад хэцүү гэж тэд үзэж байна.

Ferrari

Баасан гараг улаануудын хувьд онцгойлох өдөр биш байв. Дугуй турших, шинэ эд ангийг тестлэх зэргээр энгийн өнгөрөөв. Сузукад хэрхэн уралдах талаар ерөнхий дүр зургаа дотроо тооцоолж  байгаагаа багийн дарга Стефан Доменикали хэлэв. Алонсо  Red Bull –ийн алдааг ашиглах нь хамгийн сайн боломж гэж үзэж байна.  “ Сузукад  маргааш үйл явдал хэрхэн өрнөхийг хүлээх хэрэгтэй. Red Bull ялагдахгүй хүчтэй харагдаж байна. Гэсэн  ч  олон удаа уралдаанд алдаж байсан” Зам дээр бол гүйцэх боломжууд бий. Маргааш хэн хаана ямар байр эзлэх тухайд санаа зовох хэрэггүй байх “ гэжээ.  Байрлал эзлэх шалгаруулалтанд эхний 5д багтах нь түүний гол зорилго гэв. Массагийн хувьд бороотой бороогүй ялгаагүй аль болох дээгүүр байрлал эзлэх нь гол зорилго нь гэжээ.

McLaren

Огт өөр хэмнэлтэй эхлүүлэх учиртай байсан Сузукагийн  Баасан гараг санаснаар нь болсонгүй. Хэмилтон осолдож  , Баттон түүний алдааг давтав. Хэмилтоний машины  аралыг заавал солих болов.  Машин их гэмтсэн учир McLaren-ний  нэг ажилтан чухал  шаардлагтай  эд ангийг Англиас  гар тээшээр авчирхаар болжээ. Өнөөдөр тэдний хувьд амжилт тааруу өнгөрлөө. Маргааш шинэ эд ангийг аль болох хурдан туршиж  эерэг үр дүнг олж авахыг чухалчилж байна.  Баттоний тухайд өглөө байдал хүнд байсан ялангуяа S эргэлт дээр бэрхшээлтэй тулгарсан гэжээ. Үдээс хойш машинд хийсэн өөрчлөлтийн ачаар илүү сайжирсан аж.

Renault

Тэд машиндаа ямар ч шинэчлэл хийгээгүй боловч Сузукагийн долоо хоногыг  сайн эхлүүлэж байна. Кубица хоёр удаа Red Bull-ийг хамгийн ойрхон нэхэгч болов. Петров топ 10-т багтав. Тэд цаг агаарын ямар ч нөхцөлд бүх хүчээ дайчилна гэв.

2 дахь уралдааны дүн

1	C.Феттель	Red Bull	01:31.0		31
2	М.Веббер	Red Bull	1:31.8	+0:00.39	29
3	Р.Кубица	Renault	01:32.2	+0:00.89	32
4	Ф.Алонсо	Ferrari	01:32.3	+0:00.89	34
5	Ф.Масса	Ferrari	01:32.5	+0:01.05	35
6	Ж.Баттон	McLaren	01:32.5	+0:01.06	28
7	В.Петров	Renault	01:32.7	+0:01.23	32
8	М.Шумахер	Mercedes GP	01:32.8	+0:01.36	27
9	А.Сутил	Force India	01:32.8	+0:01.37	26
10	М.Хулкенберг	Williams	01:32.8	+0:01.38	26
11	Н.Росберг	Mercedes GP	01:32.8	+0:01.41	26
12	К.Кабояаши	BMW Sauber	01:33.4	+0:02.00	31
13	Л.Хэмилтон	McLaren	01:33.4	+0:02.01	8
14	Р.Барикелло	Williams	01:33.5	+0:02.09	16
15	Н.Хайдфельд	BMW Sauber	01:33.6	+0:02.23	33
16	С.Буэми	Toro Rosso	01:34.0	+0:02.54	32
17	Х.Алгуэсари	Toro Rosso	01:34.0	+0:02.59	37
18	В.Льюцци	Force India	01:34.3	+0:02.84	33
19	Х.Ковалайнен	Lotus Racing	01:36.0	+0:04.63	36
20	Я.Трулли	Lotus Racing	01:36.3	+0:04.86	33
21	Л.Ди  Грасси	Virgin Racing	01:36.6	+0:05.16	28
22	Т.Глок	Virgin Racing	01:36.8	+0:05.36	28
23	Б.Сенна	HRT F1 Team	01:37.3	+0:05.88	33
24	С.Ямамото	HRT F1 Team	01:37.8		34

Японы Гран При , 10.0 out of 10 based on 3 ratings