Өнөөдөр явагдах ёстой байсан Сузукагийн  Гран Пригийн  байрлал эзлэх шалгаруулалтыг зохион байгуулагчид  Ням гараг хүртэл хойшлууллаа . Үргэлжлэн орсон ширүүн борооны улмаас ийм шийдвэрийг  гаргахаас өөр аргагүй байдалд хүрэв.  Мөн үдээс өмнө зам  их устай байсан учир  гуравдах чөлөөт уралдаан   хэвийн  явагдаагүй юм. Маргааш шалгаруулалтыг орон нутгийн цагаар 10:00 эхлүүлэх бөгөөд  нэг цагийн өмнө нисгэгчид 15 минут зам дээр гарах боломжтой. Тэгсэн ч  багуудын  хийх ёстой ажилд  энэ хугацаа хангалтгүй юм. Тэдэнд  техникээ шалгаад өнгөрөх л цаг гарна. Хэрвээ Ням гарагийн үдээс өмнө шалгаруулалтыг бүр явуулах боломжгүй бол яах вэ? Энэ тохиолдолд уралдааныг зохион байгуулагчид Формула-1 ийн   спортын дүрмийн 36.2 ийн дагуу арга хэмжээ авна. Гарааны байрлалыг нисгэгчдийн дугаараар эрэмблэх  бөгөөд нэгдүгээр эгнээг  1 дугаартай Женсон Баттон ,  2 дугаартай Хэмилтонтой эзлэж ,  хоёдугаар эгнээнээс 3 дугаартай Шумахер , 4 дугаартай Росберг гэх мэтчилэн жагсаана.

Үүнтэй адил явдал 2004 онд Сузукад болж байсан аж. Тухайн үед Nr. 22 нэртэй далайн шуурга Бямба гарагийн арга хэмжээг  хойшлуулахад хүргэж байв.