Оюутны Боксын дэлхийн аварга шалгаруулах ээлжит тэмцээн нийслэл Улаанбаатар хотод 5 дахь өдрөө амжилттай үргэлжилж байна. Энэ өдөр 49 кг жинд Монгол улсын хөдөлмөрийн баатар, гавъяат тамирчин П. Сэрдамба удаах тоглолтоо Польшийн тамирчин MASZCZYK LUKASZ- тай хийж 5:0 харьцаагаар ялав. Тоглолтын дараа тэрээр сэтгүүлчидтэй цаг гарган уулзаж асуултанд нь хариулсан юм.

Спорт ньюс: Шинэ жиндээ хэр дасаж байна даа?

П.С: Урд нь 7-8 кг хасаж байж 48-д ордог байснаа бодвол одоо 49 кг болсноор 6-7 кг хасдаг боллоо нэг кг-ын зөрүү гэдэг том хөнгөлөлт болж байна.

Спорт ньюс: Тоглолтоос тоглолтын хооронд сэргэлт сайн авч чадаж байна уу?

П.С: Өнжөөд нэг тоглож байгаа болхоор сэргэлт сайн авч чадаж байна.

Маргааш гавъяат маань Казахстаны тамирчин BERKBAYEV MARDAN -тай аваргын төлөө тоглно.

Мөн энэ өдөр Э.Идэрхүү (56), Б.Түвшинбат (64) нар өрсөлдөгчдөө буулган авч маргааш аваргын төлөө тоглохоор боллоо. Монголын баг тамирчдаас нийт 5 жинд финалд шалгарчээ. (Төгсцогт 49 кг,  Эрдэнэбаяр 81 кг).