Энэ сарын 9-15ны хооронд Испаний Бильбаод Дэлхийн аварга В.Ананд (Энэтхэг, 2800) дэлхийн аварга асан В.Крамник (ОХУ,2780), дэлхийн шатарчдын чансааг магнайлагч М.Карлсен (Норвеги,2826), супер их мастер А.Широв (Испани,2749) нар “Том дуулга”-ын төгсгөлийн шатны, хожилд 3, тэнцээнд 1 оноо өгөх журамтай, хоёр тойргийн тэмцээнд өрсөлдөж байна.

Эхний тавилд В.Крамник М.Карлсенг ялж нөгөө хоёр нь эвийн гэрээ байгуулжээ.

Удаах тавилд В.Ананд М.Карлсенг, В.Крамник А.Шировыг тус ялав.

Ийнхүү гараан дээр дараалан ялагдал хүлээсэн М.Карлсен чансаагаа хадгалж үлдэхийн тулд тоглолтын болон сэтгэл зүйн ихээхэн хүчин зүтгэл гаргах шаардлагатай боллоо.Учир нь тэрбээр саяхан явагдсан Дэлхийн шатрын олимпиадад тааруухан тоглосон тул чансаа нь 15,3 пунктээр буурах тооцоо гарсанд оршино.