Английн шигшээ баг шинэчлэн засварлагдсан Уэмбли цэнгэлдэхэд сүүлийн 11 тоглолтонд дараалан ялаад байсан. Гэвч тэдний энэ амжилтыг бяцхан Монтенегро тасалдууллаа. Хүн амаараа Английн Лидс хотын иргэдтэй тэнцэх энэ орон дөнгөж 2006 онд Сербээс тусгаарлагдсан ч альхэдийнэ сенсаац тариад эхэлжээ.

Хамгийн сүүлд Англичууд Уэмблид 2008 оны ЕАШТ-ий сонгон шалгаруулалтын үеэр Македонтой тэнцэж байсан. Харин энэ удаа бас нэгэн Балканы хойгын багт ”дөнгүүллээ”.
Одоогийн байдлаар Мирко Вучинич тэргүүтэй Монтенегро G хэсэгтээ ганц ч ялагдалгүй тэргүүлж байна. Хэрвээ Милан Йовановичин шон оносон цохилт Хартын хаалганд орсон бол Гурван Арслан бүр ч хүнд байдалд орох байлаа. Аз болж Жое Харт гэсэн авьяаслаг хаалгач Английн ар талыг найдвартай хамгаалж байна.

Гэхдээ энэ тоглолтонд Ромагийн довтлогч, Монтенегрогийн ахлагч Мирко Вучинич оролцоогүй гэдгийг дурьдах нь зүйтэй. Рио Фердинандаар ахлуулсан Англичууд гоолын боломж чамгүй гаргаж байсан ч төгсгөл дээрээ гацаж байлаа.

Жеррардын гайхалтай дамжуулалтууд хэд хэдэн гоолын боломж гаргасан. Бэртэл авсан Жон Терригийн оронд Лескотт гараанд гарчээ. 70 дахь минутад Фабио Капелло довтолгоонд тааруухан байсан Краучыг суулгаж Кевин Дэйвисийг оруулж ирлээ.
Болтонд тоглодог тоглогчдоос Английн шигшээд багтсан 3 дахь тохиолдол энэ боллоо. Тоглолтын дараа өгсөн ярилцлагадаа Рио ”Бид иймэрхүү тоглолтоос оноо алдах хэрэггүй юм байгаа юм. Цөөнгүй гэгээлэг зүйл бидэнд байсан ч ялалт л хэрэгтэй байсан. Тэд шон оносон ч гэсэн тэрнээс өмнө бид бас хаалгачыг нь сандаргаж л байсан шүү дээ. Гэхдээ төгсгөл дээрээ муу байсан болохоор өөрсдийгөө өмөөрөхгүй” гэжээ.
Швэйцарь Уэльсийг 4 : 1-ээр ялж хэсгийн анхны ялалтаа авлаа.

G хэсэг

Лондон. Стадион “Уэмбли”. 73,451 үзэгч. Шүүгч- Мануэль Грефе (Герман).
АНГЛИ – ЧЕРНОГОР - 0:0
Англи	Черногор
Джо Харт	Младен Божович
Глен Джонсон	Марко Баша
Эшли Коул	Милан Йованович
Стивен Джеррард	Симон Вукчевич
Рио Фердинанд	Радомир Джалович (77)
Джолеон Лескотт	Бранко Бошкович (83)
Эшли Янг (74)	Митар Новакович (62)
Гарет Бэрри	Милодраг Пекович
Питер Крауч (70)	Эльсад Зверотич
Уэйн Руни	Миодраг Джудович
Адам Джонсон	Стефан Савич
Сэлгээ
Кевин Дэйвис, 70	Младен Касчелан, 62
Шон Райт-Филлипс, 74	Андрия Делибашич, 77
	Фатос Бечирай, 83
Шар хуудас
Уэйн Руни, 53	Миодраг Джудович, 25
Эшли Янг, 60	Стефан Савич, 52
Гарет Бэрри, 63	Марко Баша, 57
Кевин Дэйвис, 86	Младен Касчелан, 64
	Симон Вукчевич, 90+4

***

Базель. Стадион “Сент-Якоб Парк”. 38,500 үзэгч . Шүүгч- Алан Хамер (Люксембург).

ШВЕЙЦАРЬ – УЭЛЬС – 4:1 (2:1)

Стокер, 8 (1:0). Бэйл, 13 (1:1). Штреллер, 21 (2:1). Инлер, 82-с пенальти (3:1). Стокер, 89 (4:1).

***