Реал Мадрид багийн спортын албаны  дарга Мигүэл Пардэза Карим Бенземаг зарах төлөвлөгөө байхгүй гэдгээ баталгаажууллаа.

Франц тоглогч маань 2009 онд Лион клубээс явснаас хойш өөрийнхөө байр суурийг хараахан бататгаж чадаагүй байгаа бөгөөд үүнээс болоод ирэх улирлын цонхоор түүнийг зарна гэсэн яриа мэр сэр гарах болсон.

Гэвч Пардэза энэ хов живийг үндэслэлгүй болохыг нь баталжээ.

“Дасгалжуулагч [Жозе Моуриньо] бид нарт хэлэхдээ, ерөнхийдөө түүнд Бенземагийн тоглолт их таалагдаж байгаа, гэвч түүнийг илүү ихийг үзүүлэх боломжтой” гэж Пардэз AS-д өгөх ярицлагадаа дурьджээ. “Тус багт өөрийнхөө байрлалын нэг миллиметерийг ч тавьж өгөхгүй тоглогч нар байгаа.

“Гэхдээ бид нарт хугацаа байна, та нар тэвчээртэй хүлээх хэрэгтэй, бид нар ч түүнийг дэмжсээр байх болно. Түүнийг зарах санаа бид нарт байхгүй.

“Миний хувьд бол сэтгэлээр унахгүй байна. Би түүнийг Мадридад асар их амжилт гаргана гэж найдаж байгаа, хэмээн цааш өгүүлсэн байна.

Тоттенхэм болон Ювентус багийн удирдлагууд 22 настай тоглогчийг сонирхож байсан гэсэн мэдээлэл мөн гараад байсан юм.