Өнгөрсөн улирал: 53-29, тэд Баруун хойд дивизионыг тэргүүлж Өрнөд конференцийн 4-р байраар плей-оффт шалгарсан. Плей-оффын эхний шатанд Мехмет Окур гэмтсэн ч Денвер Наггетсийг хожиж дараагийн шатанд Лейкерст хожигдсон. Окур гэмтээгүй байсан ч хожигдох байсан байх.

Ерөнхий дасгалжуулагч: Жерри Слоан.

Гол гарз: Карлос Бузер, Кайл Корвер, Уэс Мэтьюз.

Гол олз: Эл Жефферсон, Ража Белл, драфтаас авсан Гордон Хэйвардыг авсан. Жефферсонг авснаар багийн амжилт сайжирна гэсэн итгэл.

Байж болох хамгийн сайн амжилт: Бас нэгэн сайхан улирал. Тэд хичээх аваас Өрнөд конференцийн финалд хүрэх боломжтой. Хүрсний дараа Дерон Уильямс Ютатай гэрээгээ сунгах.

Юу болох бол? Ютагийн хувьд ирэх улирлын гол зорилго нь амжилт үзүүлэхээс гадна Дероны гэрээг сунгаж авч үлдэх. Дерон энэ зун ямар ч багтай холбогдсонгүй, олны өмнө гарсангүй. Хоёр тал хоёул гэрээ байгуулах боломжтой гэсэн хүлээлттэй байгаа. Дероны хувьд гэрээ дууссан цагт өөрөө багаа сонгох эрхтэй. Дероны хувьд өөрийн гэрээ дуусч шинэ гэрээ эхлэхтэй холбогдуулан тун ихээр хичээж тоглох биз ээ.

Улирлын хувьд Эль Жефферсон Ютагийн системд хурдан дасан зохицох хэрэгтэй. Жефферсон өнгөрсөн улиралд будагтай талбайгаас 56,8 хувийн  амжилттай довтолэ байсан бөгөөд заслоныг НБА-д хамгийн сайн тавьдаг тоглогчдын нэг болоод байгаа. Тэр хэдий тийм ч түүний энэ чадварыг Миннесота барагтай бол ашигладаггүй байсан. Энэ удаа ашиглах сайхан боломж. Харин Жефферсоны хувьд Бузерийг бодвол бөмбөг шилжилтээс оноо авах чадвар тийм ч сайн биш.

Жазз самбарын доороос маш их оноо авдаг. Тэд өнгөрсөн улирал энэ үзүүлэлтээр лигтэ гуравт орж байсан ба 63,5 хувийн оновчтой довтолж байжээ.

Жефферсоны хувьд Юта, өөрөөр хэлбэл Слоаны стилд яв цав тохирохоор тоглогч. Гэхдээ Слоан түүнийг тун сайн “цэнэглэж” өгөх хэрэгтэй. Окур ирэхээр энэ хоёр тоглогч бас их зохиоцож тоглох хэрэгтэй. Улирал эхлэхэд Жефферсон Бузерийн орон зайг нөхөж тоглох гэхээсээ илүү Окурын орон зайг нөхөж тоглох ёстой.

Мөн энэ үед Пол Миллсап сайн тоглох хэрэгтэй. Тэр Бузер шиг самбарт идэвхитэй тоглож довтолгоонд сайн байх хэрэгтэй. Миллсапын хувьд том боломж гарч байна.

Жефферсоны хувьд Деронтой нэгдсэнээр өөрийгөө хэн болохыг албан ёсоор дэлхийд харуулах боломжтой болжээ. Дерон бол Ютад заяагдсан холбогч гэж хэлж болохоор. Тэр маш сайн бөмбөг зална, гурваас муугүй буудна, талбайг мэдрэх чадвар гайхалтай гээд л… Ютатай тоглож байгаа багуудын гол зорилго нь Дероныг зогсоох байдаг ч чаддаг нь ховор. Дерон байгаа бол Юта сайн баг байна.

Хэйвардын хувьд сайн тоглох шинэ тоглогч гэж яригдаж байгаа. Зун явсан Корверын зайг нөхөж холын зайн гол хүн болгоно гэж яригдаж байна. Ража Белл нөөцөөс талбайд гаран хамгаалахын сацуу гурвын шидэлтээр багтаа эрч хүч өгнө.

Түүнчлэн байнга Ютагийн  нууц зэвсэг байдаг Андрей Кириленко. Хэрэв тэр эрүүл байх л юм бол тоглолтыг өөрчилж чаддаг. Гурваас ч шиднэ, гайхалтай блокийг ч тавина, бөмбөгийг ч таслана. Хамгийн гол асуудал нь АК-47-ийн эрүүл мэнд. Тэр сүүлийн хэдэн улиралд дөрөвний нэгт нь тоглоогүй ба өнгөрсөн улиралд ПО-ын 2хон тоглолтонд оролцжээ.

Түүнгүйгээр эсрэг баг арай амархан оноо аваад байх шиг байдаг. Түүний гэрээ Ютагийн бас нэг толгойны өвчин ба 17,8 сая ногооны өртөгтэй билээ. Энэ зун дөрвөн баг, Кармело оролцсон наймаанд АК-г оруулах шахсан.

Ямар Юта ирэх улиралд тоглох вэ? Тэд олон улирал сайн баг байлаа. Гэхдээ хангалттай сайн байж чадсангүй. Жефферсон Бузерыг орлож болох юм. гэхдээ Белл, Хэйвард нар Корвер, Мэтьюзийг орлоно гэдэг нь юу л бол… Жазз хэдийгээр үзүүштэй, уран, гоёмсог сагсан бөмбөгийг үзүүлдэг ч аваргын төлөө өрсөлдөх баг биш. Уильямс олныг гайхшаруулж, Жефферсон сайн зохицож, АК өөрийн сайн хамгаалалтаа үзүүлж гэхдээ фэнүүдийнхээ урмыг хугалж, Миллсап эрс сайжарч, шинэ тоглогчид шинэ тоглогч шиг тоглосоор улирал дуусах байха.

Тэд 50 ялалтыг авах хэдий ч плей-оффын эхний шат эсвэл хоёрдугаар шатнаас мултрах болов уу.

Таамаглал: 48-34 амжилт үзүүлж 6, 7-оор гарна. ПО-ын эхний шат хүндхэн байна.

NBCSports.com