Вашингтон Визардс Гилерт Аренасыг 50.000 ам.доллараар торгожээ. Учир нь тэрээр мягмар гаригт Аталантатай хийсэн тоглолтын өмнөх бэлтгэл дээр өвдөгөө бэртээсэн худал мэдэгдсэн бөгөөд улмаар тэр оройны тоглолтод оролцоогүй. Харин тоглолтын дараа Аренас сэтгүүлчдэд бэртэл аваагүй гэдгээ хэлж хамгаалагч Ник Яангд тоглох цаг өгөхийн тулд үүнийг хийсэн гэдгээ хэлсэн байна.

Яанг тус тоглолтонд Хауксын эсрэг 24 оноо авч амжилттай тоглолтыг үзүүлсэн бөгөөд баг нь 107 – 92-р ялалт байгуулсан. Гэвч Вашингтоны удирдлага ”энэрэнгүй” зантай Аренасыг шийтгэхээр болжээ. ”Би дахиад л бүтэлгүйчихлээ. Тийм болохоор зүгээр л уучлаарай гэж хэлэхийг хүссэн юм. Ийм сүртэй зүйл болно гэж би үнэхээр төсөөлөө ч үгүй. Миний хийсэн бүхнийг хүмүүс буруугаар ярьж байгаа юм шиг санагдаж байна” хэмээн Аренас ярьжээ.

Пүрэв гаригт Милуокитой хийсэн тоглолтод ч Аренас гараанд гараагүй. Тэрээр тоглолтын эхний үед сэлгээгээр тоглолтод ороод дөнгөж 3 минут болоод л цавиндаа бэртэл авсан юм.