Астон Виллагийн Вилла парк цэнгэлдэх Челсид халгаатай болох нь дахин нотлогдлоо. Дрогба болон Лампард гэсэн 2 гол тоглогчгүйгээр тэд энэ цэнгэлдэхэд зочилж гоол оруулалгүй тэнцлээ. Уг нь  Анелка Челсид ялалт авчирч болох байсан ч түүний цохилт хөндлөвч онож азгүйтсэн юм.
Цэнхэрүүд энэ цэнгэлдэхэд зочилсон сүүлийн 12  тоглолтоос ердөө ганц л ялалт аваад байгаа. Гэхдээ энэ тоглолтоос Вилла оноо аваагүй бол шударга бус зүйл болох байлаа. Тэд тоглолтын эхний үед Челсиг илүүрхэж гоол оруулах сайхан боломжыг хэд хэдийг алдсан. Тухайлбал 3 дахь минутад Стефан Айрланд Петр Чехийн эсрэг ганцаараа гараад хаалганы дээгүүр давуулж цохисон. Виллагийн давамгайлал үүгээр зогсоогүй бөгөөд Карьюгийн бас нэгэн эвгүй цохилтыг Чех хаалганд орохоос хамгаалж багаа аварсан. 13 дахь минутад Ричард Данн Рамирестэй бөмбөгний төлөө тэмцэлдэж байхдаа бэртэл авсан. Тэрээр тоглолтыг цааш үргэлжлүүлж чадалгүй сэлгээнд сууж Клэран Кларк талбайд орж ирсэн.

Хашир туршлагатай Карлос Куэлар байхад яагаад Улье  залуу Кларкыг оруулсан нь сонирхол татаж байв. Челсигийн довтолгооны шугаманд Дрогба яах аргагүй үгүйлэгдэж байсан юм. Мөн Астон Виллагийн хаалганд үргэлж гоолддог Лампард байсан бол Цэнхэрүүд ингэж дээрэлхүүлэхгүй байсан нь тодорхой. 2-р үе эхлээд Карло Анчелотти урд амжилт муутай тоглож байсан Гаель Какутаг суулгаж   Юрий Жирковыг орууллаа.

59  дэх минутад Терри Яангийг бүдүүлэг алдаа гарган унагааж шар картаар торгуулсан бол 6 минутын дараа Стивен Уорнок Анелка дээр алдаа гаргаж торгуульсан. Үүний дараа Айрланд, Кларк нар мөн Виллагийн торгуультай тоглогчдын тоог нэмлээ. 79 дэх минутад Яангийн чөлөөт цохилтыг Терри золтой л өөрийн хаалганд хийчихсэнгүй. Аз болж хаалганы шон Челсиг аварсан юм.
Үндсэн цаг дуусахаас өмнө Коулын хөндлөн дамжуулалтыг Анелка мөргөсөн ч шон онож Астон Виллагийн фенүүдийг сандаргалаа. Рео-Кокер сүүлийн мөчид тоглолтын баатар болж болох байсан ч Чехийн эсрэг ганцаараа гараад гоолдож чадсангүй ээ.
Челси хүснэгтийн тэргүүн байрандаа хэвээр үлдсэн ч 2 оноо алдана гэдэг  ард нь яваа багуудад том боломж олголоо.

Лондон. Стадион “Крэвен Коттэдж”. 25615 үзэгч. Шүүгч- Майк Дин (Хесволл).

ФУЛХЭМ – ТОТТЕНХЭМ – 1:2 (1:1)

Камара, 30 (1:0). Павлюченко, 31 (1:1). Хаддлстоун, 63 (1:2).

***

Вулверхэмптон. Стадион “Молинеукс”. 28582 үзэгч. Шүүгч- Марк Клаттенбург (Ньюкасл-апон-Тайн).

ВУЛВЕРХЭМПТОН – ВЕСТ ХЭМ – 1:1 (1:0)

Джервис, 10 (1:0). Ноубл, 53-с пенальти (1:1).

***

Болтон. Стадион “Рибок”. 22975 үзэгч. Шүүгч- Питер Уолтон (Нортгемптоншир).

БОЛТОН – СТОК СИТИ – 2:1 (1:0)

Ли Чхун Ен, 22 (1:0). Делап, 48 (1:1). Класнич, 90 (2:1).

***

Ньюкасл. Стадион “Сент-Джеймс Парк”. 44415 үзэгч. Шүүгч- Марк Халси (Болтон).

НЬЮКАСЛ – УИГАН – 2:2 (0:2)

Н’Зогбия, 22 (0:1). Н’Зогбия, 23 (0:2). Амеоби, 72 (1:2). Колоччини, 90 (2:2).

Өнөөдөр явагдах тоглолтууд

БЛЭКБЕРН : САНДЕРЛЕНД
ЭВЕРТОН : ЛИВЕРПУЛЬ
БЛЭКПУЛ : МАНЧЕСТЕР СИТИ