Эдуардо өнөөдөр орой болох Арсенал-Шахтёрийн тоглолт дээр гоол оруулвал сэлэбрэйшн хийхгүй гэдгээ мэдэгдлээ. Гэхдээ тэрээр Эмирэйтэсд тоглохоо больсон нь зөв шийдвэр байсан гэж үздэг юм байна.

Хорватын довтлогчийн хойд Лондон дахь хөлбөмбөгийн замнал гурван жил гаруйн өмнө Бирмингем багийн тоглогч Мартин Тэйлорт хөлөө хугалуулснаас хойш удалгүй дуусгавар болсон билээ.

Үүний дараа Эдуардо урьдын адил тоглолт үзүүлэхээ больсон бөгөөд Арсен Венгер түүнийг өнгөрсөн 7 сард Шахтёрт 6 саяаар зарсан юм.

Эдуардо хэлэхдээ: ‘Хэрвээ би гоол хийвэл сэлэбрэйшн хийхгүй. Би Арсеналд үнэхээр амьдралынхаа сайхан мөчүүдийг өнгөрөөсөн, Арсэн Венгерт, фэнүүддээ мөн багтаа их баярлаж явдаг.

‘Венгер шиг хүн өөрийг чинь ПЛ-д тоглуулах гээд авчирна гэдэг бол маш том зүйл юм. Тэр надад итгэсэн, миний хувьд багаа орхих нь маш хүнд шийдвэр байсан.

‘Гэхдээ би одоо бараг 28 настай тиймээс Шахтёрт орсон маань зөв шийдвэр болж чадсан-тэгээд ч Шахтёр бол Европтоо их том  клуб.’

Шахтёрийн дасгалжуулагч Мирча Луческу Эдуардог Арсеналын эсрэг тоглох тоглолт түүний хувьд их сэтгэл хөдөлгөсөн болж өнгөрнө үзэж байгаа бөгөөд тэрээр аймшигт бэртлийн ард гарахад нь бүхий л талаар туслалцаа үзүүлэх болно гэж амлажээ.

Тэрээр хэлэхдээ: ‘Эдуардо Арсеналд үлдээд тоглохыг маш их хүссэн, харамсалтай нь тэр аймшигт бэртэл үнэхээр том асуудал үүсгэсэн, бид нар түүнийг буцаад өндөр түвшинд хүрэхэд нь тусалж байгаа.’

Эдуардо Украины аваргуудын төлөө хийсэн 11 тоглотын 7 тоглолтон дээр дандаа нөөцөөс орж ирсэн, гэхдээ тэрээр одоогийн шинэ уур амьсгалдаа хурдан дасан зохицож байх шиг байна.

Эдуардо одоогоор дөрвөн гоол оруулаад байгаа бөгөөд тэрээр хэлэхдээ: “Донецк хот бол хөл хөдөлгөөн багатай хот, та хүссэн газраа 5 мин дотор хүрэх боломжтой. Харин Лондонд байхад гэрээсээ Эмирэйтс л орох гэж хэдхэн км газар 45 мин болдог байсан.