Одоогоос 2 жилийн тэртээ Лужникийн цэнгэлдэхэд Челси Аваргуудын финалын тоглолтод оролцож харамсалтай ялагдаж байсан. Тэрхүү гунигт дурсамжтай цэнгэлдэхэд Лондоны баг дахин зочиллоо.

Москвагийн Спартак клуб тэднийг талбайдаа угтаж авсан. Челсигээс Дидье Дрогба, Лампард гэсэн гол тоглогчид дахин талбайд гарсангүй. Спартакчууд 78,000 хөгжөөн дэмжигчдийнхээ уухайн дор, хүйтэн сэрүүн уур амьсгалаа ашиглан Челсиг дөнгөх гэсэн боловч бүх зүйл санаснаар нь болсонгүй. Хуучин ЦСКА-д тоглож байсан Юрий Жирков Спартакын хаалганд гайхалтай гоол оруулж гоолын салхийг хагалсан юм.
16-гийн гаднаас цөм цохисон түүний гоол энэ тойргийг чимж байна. Жирковын гоолоос өмнө Спартак чамгүй олон боломж гаргаж байсан ч Петр Чех гэсэн хана хэрмийг давж чадаагүй. Бразил легионер Веллитон болон Дмитрий Комбаров маш сайхан 2 боломжыг чулуу болгож чадаагүй. Ингээд чи хийхгүй бол би хийе гэсэн хууль ёсоор Жирковын гоол оржээ.
Энэ гоолоос хойш Челси төвийн шугаманд илүүрхэж эхэлсэн бөгөөд талбайн эзэд тун тааруухан үр дүнг үзүүлж эхэллээ. Анелька хаалгачын эсрэг ганцаараа гарсан боломжоо ашигласан бол тооны харьцаа хавьгүй эрт 2 : 0 болох байсан. Гэхдээ ямар ч байсан 43  дахь минутад тэр алдаагаа цайруулж Эссьений дамжуулалтыг чулуу болгосон. Лужникийн финалд торгуулийн цохилталдсан 2 тоглогчийн нэг бол Анлька. Харин тэр энэ цэнгэлдэхэд эргэн ирэхдээ тэр хар дурсамжаа хаяж чадлаа.
Хоёрдугаар үед Спартакын довтолгоо илүү хүчтэй явагдах болсон ч Петр Чех тухай бүрд нь багаа аварч байсан.
Оросын баг 2009 оны 9 сараас хойш Челсигийн эсрэг 9 удаа хаалга руу чиглэсэн цохилт хийсэн анхны баг боллоо. Гэвч аз тэдний талд байсангүй.
Ялалт баталгаатай болсон гэж үзсэн учир Карло 2-р үеийн дундуур Жошуа Макихрэн (17), Гаэль Какута (20), Патрик Ван Анхолт (20) гэсэн залуусыг талбайд гаргаж аваргуудын лигийн ”утаа үнэрлүүллээ”.

Олимпик Марсель Словакын Жилинаг 1 : 0-ээр буулган авч энэ улирлын анхны ялалтаа авлаа. Сенегал хамгаалагч  Диавараг оруулсан цорын ганц гоол тэдэнд ялалт авчирсан. Дидье Дешамын хөвгүүд хамгаалагчынхаа гоолоор ялалт авах хэмжээний тааруу байгаагүй. Тэд тоглолтын ихэнхи үед илүүрхсэн ч олон боломжоо алдсан юм. Энэ хэсгийг Челси ганцаараа 9 оноотой тэргүүлж эхэллээ.
Спартак 6 оноотой, Марсель 3 оноотой удаалж байна.
Жилина одоогоор оноогүй байна.

Москва. Стадион “Лужники”. 78,000 үзэгч. Шүүгч- Карлос Веласко Карбальо (Испани).
СПАРТАК – ЧЕЛСИ – 0:2 (0:2)
Жирков, 23 (0:1). Анелька, 43 (0:2).
Спартак	Челси
Андрей Дикань	Петр Чех
Сергей Паршивлюк	Паулу Феррейра
Николас Пареха	Бранислав Иванович
Марек Сухи	Джон Терри
Евгений Макеев	Эшли Коул (87)
Эйден Макгиди	Майкл Эссьен
Александр Шешуков	Джон Оби Микел
Ибсон	Юрий Жирков
Дмитрий Комбаров	Саломон Калу (74)
Ари (85)	Флоран Малуда (82)
Веллитон	Николя Анелька
Сэлгээ
Жано Ананидзе, 85	Джошуа Макихрэн, 74
	Гаэль Какута, 82
	Патрик Ван Анхолт, 87
Шар хуудас
Марек Сухи, 56	Юрий Жирков, 88

***

Spartak Moscow 0 – 1 Chelsea [matchhighlight.com]

Nong | Myspace Video

Spartak Moscow 0 – 2 Chelsea [matchhighlight.com]

Nong | Myspace Video

Марсель. Стадион “Велодром”. Шүүгч- Иштван Вад (Унгар).
МАРСЕЛЬ – ЖИЛИНА – 1:0 (0:0)
Диавара, 48 (1:0).
Марсель	Жилина
Стив Манданда	Мартин Дубравка
Сесар Аспиликуэта	Станислав Ангелович
Сулейман Диавара	Йозеф Пьячек
Габриэль Хайнце	Ондрей Шурек
Тайе Тайво	Владимир Лейтнер
Лучо Гонсалес (75)	Роберт Еж
Стефан Мбиа	Любомир Гулдан
Андре Айю	Стефан Зошак (79)
Матье Вальбуэна	Роман Гергел (63)
Брандао (66)	Томаш Майтан (68)
Андре-Пьер Жиньяк (83)	Момоду Сисай
Сэлгээ
Лоик Реми, 66	Эмил Рилке, 63
Фабрис Абрель, 75	Томаш Оравец, 68
Эдуард Сиссе, 83	Адмир Владавич, 79
Шар хуудас
Матье Вальбуэна, 48	Любомир Гулдан, 79
Тайе Тайво, 49
Андре Айю, 52
Стефан Мбиа, 83

Marseille 1 – 0 Zilina [matchhighlight.com]

Nong | Myspace Video