БТСГ-ын Үндэсний шигшээ багийн алба, Монголын чөлөөт бөхийн холбоо хамтран зохион байгуулсан шүүгчдийн семинар өчигдөр өндөрлөлөө. Танхимын болон дадлага хичээл хосолсон сургалтад Төв, Баянхонгор, Хөвсгөл, Булган, Дундговь, Өмнөговь, Завхан, Баян-Өлгий, Сэлэнгэ, Архангай, Өвөрхангай, Дорнод, Увс, Говьсүмбэр аймаг, Багануур, Налайх дүүрэг, Зүүнхараа болон Баянзүрх, Хан-Уул дүүрэг, “Аварга”, МУБИС, ҮБТДС, “Шонхор-Олимп”, “Мон-Алтиус” дээд сургууль, “Алдар” нийгэмлэг, “Таван цагариг”, НБТСГ-ын 60-аад шүүгч, дасгалжуулагчид хамрагдсан бөгөөд өчигдөр шалгалтаа өгч, сертификатаа гардсан юм. Семинарын хаалтын ажиллагааны үеэр МЧБХ-ны нарийн бичгийн дарга Ц.Сэрээтэр шүүгчдийг хөдөө орон нутагт очиж, чөлөөт бөхийн хөгжлийн үрийг тарихыг хүсэн ерөөв.