Өнгөрсөн улирал: 15-67. Зөвхөн Нетсийн урд гишгэх үзүүлэлт. Гэхдээ тэд сүүл хэсэгт Нетсээс муу тоглосон гэж хэлж болно.

Ерөнхий дасгалжуулагч: Курт Рамбис хоёр дархь улиралдаа дасгалжуулах гэж байна. Түүний хувьд хэр сайн дасгалжуулагч гэдгээ харуулах цаг. Багийн удирдлагууд түүнийг гурвалжин довтолгоо хийлгэх гэж авчирсан билээ. Өнгөрсөн улирал яг уламжлалт гурвалжин довтолгоог хийлгүй илү хүндрүүлсэн байдлаар хийж байсан. Энэ улиралд харин яах юм бол доо…

Гол гарз: Эль Жефферсон, Райан Гомес, Рамон Сешнс, Райан Холлинс

Гол олз: “Гайхал” Дарко Миличичийг дөрвөн жилийн 20 сая ногооны гэрээ байгуулж авчирлаа. Гурвалжин довтолгоонд зохицно гэж үзэн авчирсан бололтой. Эрсдэл…

Драфтын 4-р байраар Вэсли Жонсон, Майкл Бисли (бас нэгэн эрсдэл), Мартелл Вебстер, Люк Риднур, Никола Пекович, Энтони Толливер, Себастьян Телфэйр нарыг элсүүллээ.

Байж болох хамгийн сайн амжилт: Ерөнхий Менежер Дэвид Каны хувьд байж болох хамгийн сайн амжилт нь солилцоо наймаанаас нэг супер од авах. Харин фэнүүдийн хувьд тэднийг баясгасан сайхан тоглолт үзүүлэх.

Юу болох бол? Каны зорилгын тухайд түүнийг биелүүлэхэд Бурхан их тус болох байх. Од тоглогч хэрэгтэй юу гэвэл хэрэгтэй. Тэднийг удирдаад, чиглүүлээд явах тоглогч яалт ч үгүй хэрэгтэй. Рики Рубио ирээд үүрэг хүлээх хувилбар байна, Лав бас чадаж болох юм. Гэхдээ аль аль нь А зэрэглэлийн тоглогч биш болов уу.

Миннесота илүү их гүйдэг баг болох боломжтой. Тийм зүйлийг хийх гэж дасгалжуулагч нар бас ажиллаж байгаа. Улирлын өмнөх тоглолтуудад их оролож байна. Гэхдээ үр дүн тийм ч сайн харагдаагүй.

Шинэ баг босгохоор зориглосны дараа ямар баг байх талаар маш их эргэлзээ үүсч байсан. Хэрэв гүйдэг, хурдан довтолгоо хийдэг баг босгоно гэвэл тэдэнд Рики Рубио болон олон сайн шиддэг тоглогчид бий. Майкл Бисли, Мартелл Вебстер, Энтони Толливер нар ийм тоглолтонд тохирохоор тоглогчид.

Гурвалжин довтолгоонд түшиглэнэ гэвээс жигүүрээс довтолгоог эхлүүлж, хамгаалалтанд самбараа хамгаалах тоглогч хэрэгтэй. Энэ тоглогч нь Бисли лав биш байх. Харин Люк Риднур, Дарко Миличич нар болох юм.

Ямар ч байсан тэдэнд сонголт бий.

Нэг зүйлийг сайн хийх ёстой. Тэр нь Кевин Лавд бөмбөг их өг. Энэ зуны ДАШТ-ийг харсан бол тэр самбараас сайн бөмбөг авч, бөмбөгийг гадагш нь сайн задалж өгч байсан. Миннесота түүнийг сайн ашиглавал тэдний амжилт дагаад сайжирна. Түүнд л бөмбөгөө өг.

Бислиг элсүүлсэн нь их сайн зүйл болсон. Тэдэнд зорилгоо биелүүлэхэд тусалж болохоор тоглогч. Бисли харин тэсрэх хэрэгтэй. Тэр гурван байрлалд тоглож чаддаг ч бас санасанд хүрэхгүй байсан. Түүнийг 3 дугаарын байрлал буюу жижиг довтлогчийн байранд тоглуулах биз ээ.

Чононуудын шинэ тоглогч Уэсли Жонсонгийн үүрэг энэ жил их.

Ямар Тимбервульвз ирэх улиралд тоглох бол? Өнгөрсөн жилээс сайжрах ч бас тийм ч сайн баг тоглохгүй.Тэдний бүрэлдэхүүнд зарим нэг авьяаслаг тоглогчид бий.

Люк Риднур найдвартай, бөмбөгөө алдахгүй тоглож, Вебстер оноог авч чадна. Магадгүй тэр оноогоор багаа тэргүүлж ч болох. Бисли харин тогтворгүй тоглолтоо үргэлжлүүлж, фэнүүдийг дахин хүлээлгэх хэрэг гарч болох юм. Уэсли Жонсонгоос маш их зүйлийг хүлээж буй. Гэхдээ тэр бас Бисли шиг тогтворгүй тоглогч болох эрсдэлтэй. Лав сайн байж, Дарко боломжийн тоглоно. Ийм л Чононууд тоглох биз ээ.

Таамаглал: 24-58. Драфтаас дээгүүр тоглогч сонгох дахин нэг боломж.

NBCSports.com -оос хөрвүүлэв