Италийн Сери А лигийн Лацио клуб тэргүүлж эхэллээ. Ром хотын баг энэ тойрогт Кальяриг 2  :1-ээр буулган авсан бөгөөд  Сери А-д 4 дэх дараалсан ялалтаа байгуулж байна. Флоккари, Маури нар Лациод хожлын гоолуудыг авчирсан.
Лацио 294 минут зочин багтаа гоол бэлэглээгүй гайхалтай амжилттай Сардины багийг угтсан юм. Гэвч 59 дэх минутад Матри Фернандо Муслерагийн хаалганд гоолдож тэдний амжилтыг тасалдууллээ. Түүний гоол Кальярид нэр төрийг л авчирсан юм.
Аваргаа хамгаалж байгаа Интер Милан энэ тойрогт Сампдориатай эвийн гэрээ байгууллаа. Хар-хөхүүд талбайдаа оноогүй үлдэж болох байсан ч цаг дуусахаас 10 минутын өмнө Самуель  Это’о тэнцээний бөмбөгийг оруулсан.
Филиппе Коутиньо Шнайдертэй хамт гарааны гарч төвийн хагас хамгаалалтыг бүрдүүлж байлаа. Рафа Бенитезийг итгэлийг олсон энэ залуу цаашдаа ч гараанд гарна гэж мэргэжилтнүүд дүгнэж байна. 62  дахь минутад Антонио Кассано Кристиан Кивуг ”ажилгүй” болгож бөмбөг таслаад довтолгоонд орлоо. Түүний хөндлөн дамжуулалтыг Губерти хаалга руу гуядахад Жулио Сезар хүрч амжсан. Гэхдээ хүчтэй цохилт байсан учир эрчиндээ хаалганд орж тооны харьцааг 1 : 0 болсон. Харин удалгүй 80 дахь минутад дээр өгүүлсэн гоол орсон юм.
Интер энэ тулаанд 69 хувьтай бөмбөг эзэмшиж, илүү олон цохилт хийсэн ч бүтэн оноогоо авч чадсангүй.
Мөн бусад шилдэг багууд ч Интерийн ”жишгийг” дагаж өрсөлдөгчтэйгээ оноо хуваажээ. Тухайлбал гайхалтай формтой байгаа Ювентус клуб Болоньягийн талбайд гоолгүй тэнцсэн. Болонья Ренато Даль’Ара цэнгэлдэхдээ энэ улиралд ялагдаагүй явж байгаа.  Амаури 22 дахь минутад бэртэл авсан тул Яквинта түүний оронд талбайд гарч ирсэн. Яквинта эхний хагас дуусахаас өмнө торгуулийн цохилт гүйцэтгэсэн ч Италийн шигшээн хаалгач Эмилиано Вивиано түүний цохилтыг хааж багаа аварсан.
Мөн Рома Пармагийн талбайд зочлон 0 : 0-ээр тэнцээ хийсэн. Аваргуудын лигт Басельд талбайдаа ялагдсан тоглолтын дараа ийнхүү оноо алдсан нь Клаудио Раньеригийн суудлыг улам бүр ганхууллаа.
Саяхан Галатасарайн дасгалжуулагч байхаа больсон Франк Райкаардыг Раньеригийн оронд авчрах асуудал идэвхтэй яригдаж байна. Одоогоор Рома 9 оноотой 14-р байранд бичигдэж байна.

Өнөө шөнө энэ тойргийн сүүлийн тоглолт АС Милан Наполи багуудын хооронд болно.

Рим. Стадион “Олимпико”. Шүүгч- Паоло Маццолени (Бергамо).
ЛАЦИО – КАЛЬЯРИ – 2:1 (1:0)
Флоккари, 22 (1:0). Маури, 53 (2:0). Матри, 59 (2:1).
Лацио	Кальяри
Фернандо Муслера	Микаэль Агацци
Стефан Раду	Алессандро Агостини
Андре Диас	Давиде Астори
Джузеппе Бьява, 88	Микеле Канини
Стефан Лихтштайнер	Габриэле Перико
Кристиан Ледесма	Андреа Лаццари, 55
Кристиан Брокки	Раджа Найнгголан, 81
Эрнанеш, 67	Давиде Бьондини
Сержио Флоккари	Алекс Пинарди, 75
Стефано Маури	Андреа Коссу
Мауро Сарате, 75	Алессандро Матри
Сэлгээ :
Матузалем, 67	Нене, 55
Томмазо Рокки, 75	Симон Ланер, 75
Гульермо Стендардо, 88	Роберт Аквафреска, 81
Шар хуудас :
	Габриэле Перико, 41
	Нене, 85
	Давиде Астори, 90