Өнгөрсөн улирал: 50-32. Оклахома Сити, Портлэнд нартай адилхан амжилт үзүүлж 6-8-р байр эзэлсэн. Эхний шатанд Даллас Мавериксийг зургаан тоглолтонд буулгаж авсан ч Финикс Сансд хожигдсон. Ер нь бол тэд өнгөрсөн улиралд бодож байснаасаа сайн байсан ч тийм супер ангилалд багтахаар тоглоогүй.

Ерөнхий дасгалжуулагч: НБА-ийн аваргын дөрвөн бөгжтэй Грегг Попович.

Гол гарз: Рожер Мэйсон явсан.

Гол олз: Удаан хүлээсэн Тьяго Сплиттер ирлээ. Тэр өнгөрсөн хоёр улирлын турш Евролигт хамгийн шилдэг төвийн тоглогч нь байсан. Түүнтэй гурван жилийн 10 сая ногооны гэрээг байгуулсан юм. Тэр самбарыг сайн хамгаалж чадахаар тоглогч. Тэр гараанд гарч тоглохгүй байж болох ч тоглолтын эцсийн мөчид Данкантай хамт талбай дээр байх боломжтой.

Ричард Жефферсоны гэрээ дууссан ч сунгаж чадсан. Түүнтэй тун сайн гэрээг байгуулж чадсан билээ. Мөн багт мэргэн бууч Гэри Нил, Жеймс Андерсон нарыг элсүүлсэн. Тийм ч их үүрэг гүйцэтгэхгүй байх.

Байж болох хамгийн сайн амжилт: Спэрс бол энэ бүрэлдэхүүнээр аваргын төлөө л үзэх баг.

Юу болох бол? Бүх зүйл төгс байх ёстой. Тони Паркер гэмтлээ бүтэн эдгээж өөрийгөө харуулах хэрэгтэй. Бусад тоглогчид ч эрүүл байх шаардлагатай. Жефферсон чадах бүхнээ хийж, Данкан Данкан шиг, магадгүй түүнээс ч сайн байх хэрэгтэй байх. Сплиттер НБА-д хурдан хөлөө олж, тоглолтонд чухал нөлөө үзүүлж чаддаг байх хэрэгтэй.

Хамгаалалт бол энэ багийн гол түлхүүр. Хамгаалалтын үр өгөөж гэсэн үзүүлэлтээр тэд өнгөрсөн улиралд 9-р байранд орсон. Муугүй үзүүлэлт ч аварга авахыг бодож буй багт, ялангуяа хамгаалалтаараа аваргалах багт хангалтгүй үзүүлэлт. Тэд талбайн гадна талын хамгаалалтанд тийм ч сайн тоглохгүй байх янзтай харагдаж байгаа. Одоогийн НБА-д довтолж буй Тони Паркерийг хамгаалагч Тони Паркер хамгаалж чадахгүй.

Сплиттер НБА-д хурдан зохицох хэрэгтэй. Хамгаалалтынхаа учрыг хурдан олох хэрэгтэй.

Спэрс эрүүл байх хэрэгтэй. Дахин хэлье. Эрүүл байх хэрэгтэй. Энэ баг бол хуучин Сан Антониогийн аваргын төлөө зүтгэж буй магадгүй сүүлчийн улирал байж болох юм. Цаашид Сан Антонио залгамжаа бэлдэж буй. Жорж Хилл, ДеХуан Блейр, Сплиттер гээд залгамж халаа муугүй. Одоо энэ залуусаа ашиглаад гэмтэлгүй Данкан/Паркер/Жинобили гэсэн гурвал аваргын төлөө зүтгэнэ.

Ямар Спэрс тоглох бол? Ахиц гарна. Тэд Өрнөдөд 2-р байраар гарч чадах баг. Гэхдээ Попович бол плей-оффт л бэлдэнэ. Улирлын тоглолтонд хүчээ нөөж, өнгөрсөн жилийн Бостон шиг хэрэгтэй үед бүхнээ гаргах болно.

Таамаглал: 52-30. Плей-оффын хоёрдугаар шатанд хасагдах болов уу. Үүний дараагаас Тони Паркерийн гэрээ, баг солих асуудал яригдаж эхэлнэ.

NBCSports.com-оос хөрвүүлэв