Монгол Улсын Ерөн­хийлөгчийн ивээл дорх “Дуулиан-2020” тэмцээний 2010-2011 оны улирлын тоглолтын техникийн зөвлөгөөн боллоо. Өмнөх жилүүдэд багууд дүүргээрээ бүсчлэн тоглож, хасагдах шатанд өрсөлдөх эрхээ авдаг байсан. Харин энэхүү дүрэм хөлбөмбөгийн спорт өндөр хөгжсөн сургуулиудтай Чингэлтэй дүүргийнхэнд хүндхэн тусч, “үхлийн” хэсэг болдог байв. Үүнд анхаарсан зохион байгуулагчид өөрчлөлт хийж, газар зүйн   байрлалын дагуу   Чингэлтэйг     Сүхбаатартай, Баянголыг Сонгинохайрхантай, Баянзүрхийг Налайх, Багахангайтай, Хан-Уулыг дангаар нь хэсэг болгожээ. “Дуулиан-2020”-ийн шинэ улирлын тоглолт бямба гаригт эхлэх бөгөөд өнгөрсөн улирлын аварга багууд нээлтийн тоглолт хийнэ. Харин хэсгийн эхний тоглолтууд арваннэгдүгээр сарын 13-нд эхлэх аж.