Туялзуур сэлэмний ДАШТ 11 сарын 4-13-нд Францын нийслэл Парис хотноо болно. Энэхүү тэмцээнд Монгол улсаа төлөөлж хоёр тамирчин хүч чадал, авхаалж самбаагаа үзэхээр болжээ.

Манай улсаас хөнгөн сэлэмний төрөлд (foil) улсын аварга Б.Баттөмөр, хүнд сэлэмний төрөлд (epee) Э.Баярбат нар оролцох аж. Түүнчлэн тамирчид тэмцээнд оролцохын өмнө тав хоногийн хамтарсан бэлтгэлд хамрагдаж туршлага хуримтлуулах юм.

Туялзуур сэлэмний ДАШТ-д Монгол улс хоёр дахь удаагаа оролцож буй нь энэ бөгөөд өнгөрсөн жил Туркийн Анталья хотод болсон ДАШТ-д Б.Баттөмөр анх удаа оролцсон юм.