Хожлын талаар…
Би тоглолтонд их сэтгэл хангалуун байна. Эхний гоол бүгдийг шийдвэрлэсэн гэж хэлж болно, учир нь тоглолт эхлээд бид нар илүүрхэж байсан ч боломжуудаа ашиглаж чадахгүй байсан. Дараа нь Ньюкастл хамгаалалтандаа шилжсэн, үүний дараа гоол оруулах бүр хүнд болсон. Эхний үе дуусахаас өмнө гоол орсон нь бид нарт их аз байлаа. Энэ гоол Ньюкастлийн хувьд жинхэнэ сүйрэл болсон.

2 дахь гоолыг тооцох байсан уу…
Бэндтнэр төвийн хамгаалагчийг санаатайгаар хашсан уу үгүй юу гэдгийг би дахиад нэг харах хэрэгтэй байна. Миний бодлоор бол Валкотт төвийн хамгаалагчийн урд байсан тиймээс энэ нь гоол ороход нөлөөлсөн гэж бодохгүй байна.

Тео Валкоттийн тоглолтийн талаар…
Тэр их чадварлаг байсан. Ер нь улирал эхлээд л тэр их чадварлаг тоглолт үзүүлсэн гэвч дараа нь тэрээр Англи Швейцарийн тоглолт дээр гэмтээд өнөөдөр л гэмтлээсээ буцаж ирсэн нь энэ. Та нар харж байгаа байх тэрээр гоолын цохилт хийхдээ маш тайван байж чаддаг, мөн түүний том зайтай  гүйдэг нь түүний анхны хүрэлт нь маш сайн болдог. Түүний гүйлтийн хэмнэл үргэлж сайн байсан гэхдээ түүнийг гүйж байхдаа бөмбөгөнд хүрэх нь илүү сайн байдаг. Энэ л их ялгааг гаргаад байгаа юм шүү дээ.

Ческ Фабрегасыг тоглуулсан нь түүнд энэ цом ямар чухал болохыг харуулж байна…
Би энэ тэмцээнийг их чухалчилж байгаа. Одоогийн байдлаар манай бүрэлдэхүүн их сайн байна, Ческ ч мөн тоглох хэрэгтэй байна. Тэрээр Манчестер Ситигийн эсрэг тоглосон. Өнөөдөр хэдэн минут тоглолоо энэ л түүнд яг хэрэгтэй.

Тео Валкотт өөрийнхөө шилдэг тоглолтыг одоо л үзүүлж байна уу…
Тео бол 21 настай. Энэ бол бусад тоглогч нарын хувьд дөнгөж тоглож эхэлдэг нас. Тэр их залуухан байна мөн их ухаалаг тийм болохоор би түүнийг цаашдаа улам илүү хөгжсөөр байх болно гэж бодож байна.

Түүний гэмтэл бэртэл ард хоцорсон уу…
Түүн шиг хэмнэлтэй хүнд зогсох үед их эмзэг байдал үүсдэг, өнөөдөр орой тэрээр 1 билүү 2 таклдуулсан, тэдгээрээс их сайн бултсан учир нь тэр хүндийн жингээ зогсож байгаа хөл дээрээ шилжүүлдэггүй. Тэрээр гэмтэлдээ нэг их эмзэглэхгүй байгаа, яагаад гэвэл түүнийг гэмтээсэн учир шалтгаан нь такл байсан. Тийм хурдан тоглогчийн эсрэг тоглож байхад хааяа та таклаа буруу тооцон хийх магадлалтай. Та түүнийг цохихыг хүсэхгүй гэхдээ тэр их хурдан бол хэцүү л дээ. Та түүнийг бөмбөгтэй байна гэж бодтол бөмбөг байхгүй болцон байдаг.

Гиббсийн бэртлийн талаар…
Одоохондоо сайн мэдэхгүй байна өглөө л мэдэгдэх байх. Зүгээр өшиглүүлсэн байна уу эсвэл булгалсан байна уу сайн мэдэхгүй л байна. Хэрвээ зүгээр л цохиулсан бол хэдхэн л хононо, харин өвдөг нь гэмтсэн бол илүү удах байх, гэхдээ одоохондоо хараахан мэдэхгүй байна.