Кармело Энтони шинэ  улирлын нээлтийн тоглолтод 23  оноо авч баг нь Ютаг 110-88-р буулган авсан. Гэвч тэрээр Денвертэй шинэ гэрээ байгуулах бодолгүй байгаа гэнэ. Yahoo! Sports-д өгсөн ярилцлагадаа Мело ”Багийн удирдлага ширээний ард сууж шинэ гэрээний талаар ярилцахыг хүсэж байгаа. Харин би он дуустал энэ талаар ярих хүсэлгүй байна. Би шинэ дасгалжуулагч Масай Ужири, ерөнхийлөгч Жош Кроенкетэй юуны талаар хэлэлцэхгүй” гэжээ. Наггетс түүнд 65 сая долларын гэрээг зунаас хойш санал болгож байгаа. Хэрвээ ирэх 2 сар хүртэл Мело энэ саналыг хүлээж авахгүй бол дараа жилийн зун чөлөөт агентуудын нэг болно.  ESPN.com-н мэдээлснээр НьюИорк Никс, Нью Жерси дээр нэмэгдээд Чикаго Буллз Мелог авах гол нэр дэвшигчид гэнэ. Мело 2003 оноос хойш Денверийн төлөө тоглож байгаа. Улирлын нээлтийн тоглолтод Энтонигоос гадна Шелдон Уйльямс 16 удаа самбараас бөмбөг авч, Чонси Биллапс 8 ашигтай дамжуулалтыг өгч багаа тэргүүлжээ.