Улсын их баяр наадмын хүчит бөхийн барилдааны бай шагналыг нэмэх Засгийн газрын тогтоол гарчээ. Ингэснээр төрийн наадмын түрүү бөх сая төгрөг хүртдэг байсан цаг ард хоцорч, 15 саяыг авахаар болов. Ингэснээр үндэсний бөх дэх найрааны асуудал жаахан ч  гэсэн багасах биз ээ. Үзүүрлэсэн бөх найман саяаар байлуулж, шөвгийн дөрөвт үлдсэн нь тус бүр таван саятай болох нь ээ.